Ezek 23:23 - ÎVUKU RÎA ÛVORO MWARO

²³ Ngaatûma andû magûkîrîre kuuma Babuloni na Kalidei, andû kuuma Pekodi, Shoa na Koa, na andû onthe a Asîria. Ûgaaûkîrîrwa nî anake onthe arîa athaka wa vamwe na atongoria, anene a athigari a mbaara, na athigari njamba cia mbaara onthe mathiîte mekarîrîte mbarathi.

Ezek 23:23 ပူးပေါင်းရင်းမြစ်များ

Kîam 2:14

Naruo rûnjî rwa kathatû rwîtagwa Tigiri na rûnyûrûrûkaga rûthiîte mwena wa îrathîro wa Asîria. Rûnjî rwa kana rwîtagwa Farati.

Kîam 25:18

Njiarwa cia Ishumaeli ciatûûraga kuuma Havila nginya Shuru, mwena wa îrathîro wa Misiri, njîrarî îrîa îthiîte Asîria. Maatûûraga matakwîgucana na njiarwa icio ciîngî cia Iburahimu.

2Atha 24:2

Ngai-Mûnene nîwacokire agîtûma ikundi cia andû marî na indo cia mbaara kuuma Babuloni, Sîria, Moabu, na Aamoni mathiî makerwe na Jehoiakimu na macûkangie Juda, wata ûrîa Ngai-Mûnene aaugîte na njîra ya ndungata ciake arathi.

Ezira 6:22

Nîmaakûngûîre kîrugo Kîam mîgate îtaarî mîkîre ndawa ya kwimbia vandû va mîthenya mûgwanja marî na gîkeno. Maakenete nîûndû Ngai-Mûnene nîwatûmîte mûthamaki wa Asîria agîe na wendo nîguo amatethie gûtuma rîngî hekarû ya Ngai wa Isiraeli.

Ayubu 1:17

Na rîrîa aaragia ndungata îngî nîyaûkire na îkîmwîra atîrî, “Akalidei mevangire ikundi ithatû na matharîkîra ngamîîra na macioca. Macoka maûraga ndungata ciaku. Nînie nienga tu ndigarire nîguo mbûke ngûmenyithie maûndû mama.”

Isaia 23:13

Akalidei nîo maarekererie nyamû cia kîthaka itharîkîre îtûûra rîa Turo nwatî tî Asîria. Akalidei maatumire nyomba ndaca na îgûrû ithiûrûrûkîrîtie îtûûra rîu, makîomomora nyomba cia kuo na magîtiga îtûûra rîu rîrî îganjo.

Jeremia 50:21

Ngai-Mûnene arauga atîrî, “Unûkiani mûkatharîkîre andû a Merathaimu na Pekodi; maûrageni na mûcûkangie kîndû kîonthe marî nakîo. Îkani maûndû monthe marîa ngûmwatha.”

Ezek 16:1

Ngai-Mûnene nîwambîrire rîngî atîrî,

Ezek 23:12

Nîweriragîria andû a Asîria, atongoria, anene a athigari a mbaara, athigari njamba arîa meethagîrwa meyovete indo ciao cia mbaara, athigari arîa maathiîcaga mekarîrîte mbarathi. Onthe acio maarî anake ethî na athaka.

Ezek 23:14

“Oholiba nîwathiîre na mbere na kûvûra ûmaraa. Nîwagucîrîrue mûno nî mbica cia Akalidei icoretwe rûthingorî ivakîtwe rangi îno ndune,

Ezek 23:22

“Kwoguo we Oholiba Ngai-Mûnene arauga atîrî, “Rîu nîngûtûma anyanya aku arîa watiganîrie magûkîrîre. Magaagûkîrîra kuuma na mîena yonthe.

Ezek 23:6

Andû acio maarî athigari njamba a mbaara na meekagîra nguo cia rangi wa njambarawe, anene, na anene a athigari a mbaara. Onthe maarî anake ethî athaka na mathiîcaga mekarîrîte mbarathi.

Ciîko 7:4

Kwoguo Iburahimu nîwaumire vûrûrirî wa Kalidei, na akîthiî gûtûûra Harani. Rîrîa îthe aakwire, Ngai nîwamûrutire kuo akîmûrete vûrûrirî ûyû mûtûûraga rîu.