Ezek 23:18 - ÎVUKU RÎA ÛVORO MWARO

¹⁸ Rîrîa eyonithanirie kûrî andû atî ke nî mûmaraa na akîonania njaga yake, nînaamûtiganîrie wata ûrîa naatiganîrîtie mwarwang'ina.

Ezek 23:18 ပူးပေါင်းရင်းမြစ်များ

Thaburi 106:40

Kwoguo Ngai-Mûnene nîwarakarirue nî andû ake; nîwatimbirwe nî andû ake ke mwene.

Thaburi 78:59

Rîrîa Ngai oonire maûndû mau nîwarakarire mûno, kwoguo nîwaregire andû a Isiraeli viû.

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Isaia 57:8

Mwigîte mîvuanano yenyu vuva wa mîrango na mîkîgorî yayo. Mûndiganagîria, mûkaruta nguo cienyu na mûgatwa itandarî cienyu irîa nene mûrî na endwa enyu, arîa mûrîvaga nîguo mûmame nao. Kûu nîkuo mûvingagîria merirîria menyu macûku.

Jeremia 12:8

Andû akwa nîmambûkîrîrîte, nîmarandaramîra ta mûnyambû kîthakarî, na kwoguo nînîmamenete.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 6:8

We Jerusalemu, maûndû mama nîmatuîke ma gûgûkaania, ethîrwa tîguo nîngûmûtiganîria, ndûme ûtuîke werû, kûndû gûtatûûraga andû.”

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Maca 2:7

Ngai-Mûnene nîanyararîte metha yake ya kîgongoona, na akaregana na hekarû yake. Nîarekereretie nthingo cia nyomba cia athamaki ciomomorwe nî nthû, na nîmaanegenete mûno marî hekarûrî ya Ngai-Mûnene, ta înegene rîrîa rîthagîrwa marugarî.

Ezek 16:36

Ngai-Mûnene arauga atîrî, “Nîwerutire nguo na ûgîtigwa ûrî njaga. Nîwenenganîre kûrî arîa maakwendaga na ûkîgooca mîvuano îo yaku, na ûkîruta ciana ciaku irî magongoona kûrî yo.

Ezek 21:24

Kwoguo Ngai-Mûnene augîte atî nîmûtûmîte mevia menyu maririkanwe, mevia menyu nîmaguûrie. Maûndû monthe marîa mwîkaga nîmatûmaga mevia menyu monekane. Kwoguo nîmûgaatavwa nî nthû cienyu.

Ezek 23:10

Andû acio nîmaamûrutire nguo agîtigwa arî njaga. Nîmaanyitire anake na erîtu ake, nake ke mwene makîmûraga na rûviû. Îvera rîrîa aagwatire nîrîatûmire atuîke wa kûthekagîrîrwa nî aka arîa engî.

Ezek 23:19

Kûnarî ûguo, nîwathiîre na mbere kûvûra ûmaraa na vinya mûno, ta ûrîa eekaga arî mwîthî rîrîa aavûraga ûmaraa vûrûrirî wa Misiri.

Ezek 23:9

Kwoguo nînaamûnenganîre kûrî anyanya acio ake a Asîria arîa eeriragîria mûno.

Hosea 2:2

Tetiani nyûkwe mûtetieni, nîûndû rîu ke tî mûka wakwa, nanie tînie mûthuuriwe. Mwîreni aume atigane na ûtharia wake, mwîreni atigane na ûraa wake.

Hosea 7:1

Rîrîa rîonthe nenda kûrûnga andû akwa a Isiraeli na kûmavonia, wîvia wa andû a Efiraimu nîûguûragua, vamwe na ciîko njûku irîa ciîkîtwe nî andû a Samaria. Nao nîmaavenanagia; nîmavunjaga nyomba cia arîa engî, na acunani nîmaakavagîra andû njîrarî na makamacuna indo ciao.

Amosi 5:21

Ngai-Mûnene arauga atîrî, “Nîmenete na nganyarara irugo cienyu, na ndikenagua nî ciûngano cienyu cia ndini.

Amosi 6:8

Ngai-Mûnene mwene vinya wonthe nîevîtîte akauga, “Nînthûrîte mwîtîîo wa andû a Isiraeli, na ngamena nyomba ciao cia goro, nîngaavecana îtûûra rîao rîrîa rînene na indo cionthe irîa irî kuo kûrî nthû ciao.”

Zakaria 11:8

Îvindarî rîa mweri ûmwe nînaûragire arîthi acio athatû acûku. Nînaaremirwe nîkwîguithania na ng'ondu icio na wanacio ikîmena.

Gûco 32:19

Rîrîa Ngai-Mûnene oonire ûguo nîwamatiganîrie, nîwatiganîrie erîtu na anake ake.