Ezek 23:14 - ÎVUKU RÎA ÛVORO MWARO

¹⁴ “Oholiba nîwathiîre na mbere na kûvûra ûmaraa. Nîwagucîrîrue mûno nî mbica cia Akalidei icoretwe rûthingorî ivakîtwe rangi îno ndune,

Ezek 23:14 ပူးပေါင်းရင်းမြစ်များ

Isaia 46:1

“Beli nîînamîrîrîte, Nebo nî ngwîu nthî; mîvuanano ya ngai icio îkuuîtwe nî nyamû na ng'ombe, indo ino ititikithîtue mvunda, nî mîrigo îrî mîrukuthurî ya nyamû icio nogu.

Jeremia 22:14

Augaga atî: ‘Nîngûtuma nyomba nene, îrî na nyomba nene cia ngorova.’ Acokaga akamîkîra ndirica, na agakunîka nthingo ciayo na mbaû cia mîtarakwe, na akamîvaka rangi ndune.

Jeremia 50:2

“Anîrîrani mavûrûrirî, îkîrani imenyithia na mwanîrîre, mûtikathithe wanarî ûndû; ugani atî: ‘Îtûûra rîa Babuloni nîrînyite! Beli ngai yarîo nînjonorithie, Merodaki ngai yarîo nîmbagagu; Mîvuanano ya ngai cia Babuloni nîmîconorithie.’

Ezek 16:29

Ûmaraa waku waûtambirie nginya kûrî andû a vûrûri wa Babuloni, andû arîa marutaga wîra wa kûgûra na kwendia indo na ndweganîra nîo.”

Ezek 23:13

Nînoonire atî ke aarî mûmaramari. Oîrî, ke wana mwarwang'ina maarî na mîtugo îvanene.

Ezek 23:15

meyovete mîcivi ciûnorî na marî na iremba ciongo. Onthe moonekaga mekariî ta anene a Babuloni, andû matûûraga vûrûrirî wa Kalidei.

Ezek 23:23

Ngaatûma andû magûkîrîre kuuma Babuloni na Kalidei, andû kuuma Pekodi, Shoa na Koa, na andû onthe a Asîria. Ûgaaûkîrîrwa nî anake onthe arîa athaka wa vamwe na atongoria, anene a athigari a mbaara, na athigari njamba cia mbaara onthe mathiîte mekarîrîte mbarathi.

Ezek 8:10

Nînatonyire ndaarî na ngîroria. Rûthingorî gwecûrîte mbica cia nyamû cionthe irîa ikurumaga na irî mûgiro na mîvuano îrîa andû a Isiraeli maagoocaga.

Nahumu 2:3

Ngo cia athigari ake nî ino ndune, athigari ake mekîrîte nguo ino ndune. Nîkwa mevarîrîtie kûtharîkîra! Ikaari ciao cia mbarathi ivangîtwe ciîvarîrîtie kûtharîkîra; mbarathi ciao itinogokaga ciîvarîrîtie kûrûa.