Ezek 22:7 - ÎVUKU RÎA ÛVORO MWARO

⁷ Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Ezek 22:7 ပူးပေါင်းရင်းမြစ်များ

Thaburi 94:5

Nîmacûkangagia andû aku, we Ngai-Mûnene, nîmavinyagîrîria andû aku.

Thaburi 94:6

Maûragaga aka a ndigwa na ageni, na makaûraga ciana irîa itarî aciari;

Ntha 20:12

“Tîîa aguo na nyûkwe, nîguo ûtûûre mîaka mîîngî vûrûrirî ûrîa Ngai-Mûnene, Ngai waku agûkûva.

Ntha 21:17

“Mûndû angîruma îthe kana ng'ina nwanginya akaaûragwa.

Ntha 23:9

“Ndûkanavinyîrîrie mûndû mûgeni. Mue nîmwicî ûrîa mûndû mûgeni egucaga nîûndû mwarî ageni vûrûrirî wa Misiri.

Nthi 20:20

Mûndû ûrîa ûrumaga îthe kana ng'ina, ûtûûro wake ûthiraga ta taa îvorete vîndî ya nduma.

Nthi 30:11

Kûrî andû marumaga methe na maticokagia ngatho kûrî aa ng'ina.

Nthi 30:17

Mûndû ûrîa ûnyararaga îthe, na akarega kwathîkîra ng'ina, akaarîwa nî ikûngûrû na ndiiû.

Isaia 1:17

na mwîrute gwîka maûndû maro. Rûmagîrîrani kîvooto, tigagani kûvinyanîrîria. Gitagîrani ciana cia ndigwa, na mwaragîrîrie aka a ndigwa.”

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Ezek 18:12

Ke nîavinyagîrîria andû arîa athîni na arîa mavatarîte, nî mûcunani, ndarîvaga kîndû kîrîa meranîrîte atî nîakaarîva, nî avoyaga mîvuanano, na nîekaga maûndû marî mûgiro,

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Ezek 22:29

Andû onthe a vûrûri nîmacunanaga na makaîa na vinya. Nîmanyariraga athîni na ngîa, na makavinyîrîria ageni vatarî kîvooto.

Alawi 20:9

Ngai-Mûnene nîwaugire atî, mûndû wa wonthe ûkaaruma îthe kana ng'ina nîakaaûragwa. Gîkuû Kîam mûndû ûcio gîkaaumana na gîîko gîake ke mwene.

Zakaria 7:10

Mûtikaavinyîrîrie aka a ndigwa, ciana cia ndigwa, ageni arîa matûûraga kwenyu, na andû arîa athîni. Mûndû wana ûrîkû ndakavange ûndû mûcûku ûngîcûkia mûndû ûrîa wîngî.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Maariko 7:10

Nîûndû Musa nîwaugire atîrî, ‘Tîîa aguo na nyûkwe!’ Wana rîngî akiuga atîrî, ‘Mûndû ûrîa ûnyararaga îthe kana ng'ina arokua.’

Gûco 24:17

“Mûtikaime ageni kana ciana cia ndigwa kîvooto Kîamo, kana mwoce nguo ya mûndûmûka wa ndigwa îrî kîndû gîa kûrûngamîrîra kîndû kîrîa akovithîtue.

Gûco 27:16

“ ‘Kûnyitwa nî kîrumi nî mûndû ûrîa ûtatîîaga îthe kana ng'ina.’ “Nao andû onthe nîmakaauga, ‘Ameni!’

Gûco 27:19

“ ‘Kûnyitwa nî kîrumi nî mûndû ûrîa ûcunaga ageni, ciana cia ndigwa, na aka a ndigwa kîvooto.’ “Nao andû onthe nîmakaauga, ‘Ameni!’

Gûco 5:16

Tîîa aguo na nyûkwe wata ûrîa Ngai-Mûnene, Ngai waku akwathîte wîkage. Weka ûguo maûndû maku nîmakûvua na nîûgûtûûra vîndî ndaca vûrûrirî ûrîa Ngai-Mûnene, Ngai waku agûkûva.