Ezek 22:4 - ÎVUKU RÎA ÛVORO MWARO

⁴ We ûrî na mavîtia nîûndû wa nthakame îo wîtûrûrithîtie, na ûkegwatia gîko na njîra ya mîvuanano îo wîrûthîrîte. Nîûtûmîte mîthenya yaku înyivanyive, nayo mîaka yaku îgeere kûthira. Kwoguo nîndûmîte ûmenwe nî ndûrîrî na ngatûma ûnyararwe nî mavûrûri monthe.

Ezek 22:4 ပူးပေါင်းရင်းမြစ်များ

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Maû 7:20

nîngaamûruta vûrûrirî ûrîa nîmûvete na ndiganîrie hekarû îno nyamûrîte îtuîke vandû va kûngoocagîra. Andû a mavûrûri monthe nîmakaamîvûthîrîria na mamînyarare.

Thaburi 79:4

Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.

Jeremia 18:16

Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 44:8

Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?

Ezek 16:57

Kinthî ndwekire ûguo mbere ya maûndû maku marîa macûku mamenyeka? Rîu we ûtuîkîte wata Sodomu, ûgatuîka kîndû gîa kûthekagîrîrwa nî erîtu a Edomu na arîa mariganîtie nao, na erîtu a Filisiti na arîa mamathiûrûrûkîrîtie na makûmenete.

Ezek 21:28

“We mûndû, ratha ûvoro wîgiî andû a Aamoni nîûndû wa rûmena rûrîa mamûmenete uge Ngai-Mûnene augîte atî, rûviû rwa njûra, rûviû nîrûcomoretwe nîguo rûragane. Rûtheretue mûno nîguo rûvenie ta rûveni.

Ezek 22:2

“We mûndû, nîûgaatuîra ciira îtûûra rîîrî rîcûrîte aûragani? Rîmenyithie maûndû monthe marîa marî mûgiro rîaneka.

Ezek 23:32

Ngai-Mûnene arauga atîrî, “Ûkaanyuîrîra gîkomberî kîrîa, mwarwanyûkwe aanyuîrîre, gîkombe kînene na kîrikîru. Andû nîmagaakûthekerera na makûnyarare; na nîgîcûru.

Ezek 23:7

Ohola nîwavûrire ûmaraa na andû onthe a Asîria arîa maarî îgweta, na nîwegwatirie gîko na njîra ya kûvoya mîvuanano ya mûndûmûrûme wa wonthe ûrîa eeriragîria.

Ezek 24:7

Nîûndû kûu îtûûrarî kûrî na ûragani. Nthakame ndîetûrûrwa nthî naarî îkunîkîrwe nî mûthetu, yetûrûrirwe îthigarî.

Ezek 24:8

Nthakame îo meetûrûrire nîmîtigîte wa kûu îthigarî îtarî ngunîkîre nîguo mbakanwe nî marakara nîrîvîrîrie.”

Ezek 36:15

Na ndikenda mwîgua irumi kuuma mavûrûri mau rîngî kana mamûnyûrûria kana matûme vûrûri wenyu ûvîngwe rîngî. Ûguo nîguo nie Mwathani Ngai-Mûnene mbugîte.”

Danieli 9:16

We Mwathani, nîûndû wa ûthingu waku tiga kûverithia Jerusalemu, îtûûra rîaku rîrîa rîrî kîrîmarî kîrîa kîtheru. Andû aku, na îtûûra rîa Jerusalemu methagîrwa marî na gîconoko mbere ya mavûrûri marîa mamarigicîrîtie, nîûndû wa mevia metû na maûndû macûku marîa meekirwe nî methe metû ma tene.

Alawi 26:32

Ngaacûkangia vûrûri wenyu viû, nacio nthû cienyu irîa îgaatûûra kuo nî ikaamakua nî ûrîa vûrûri ûcio ûkethîrwa ûcûkangîtue.

Ndari 32:14

Namue rûciaro rwa evia, nîmûkinyîte varîa methe menyu maarî, mûgatûma marakara ma Ngai-Mûnene kûrî Aisiraeli mongerereke!

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.

Gûco 29:24

Mavûrûri monthe ma nthî nîmakaaûria, ‘Nîndûî gîatûmire Ngai-Mûnene acûkangia vûrûri ûyû? Nîndûî gîatûmire agîe na marakara meengî ûguo?’

1Ath 2:16

Wana nîmaageragia gûtûgiria tûtikavunjîrie andû a ndûrîrî ndûmîrîri îrîa îngîtûma mavonoke. Na njîra îno nîmarîkîtie gûkinya mûthiia wa mevia marîa matwîre mekaga. Namo marakara ma Ngai nîmakinyîte kûrî o.