Ezek 22:29 - ÎVUKU RÎA ÛVORO MWARO

²⁹ Andû onthe a vûrûri nîmacunanaga na makaîa na vinya. Nîmanyariraga athîni na ngîa, na makavinyîrîria ageni vatarî kîvooto.

Ezek 22:29 ပူးပေါင်းရင်းမြစ်များ

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Thaburi 94:6

Maûragaga aka a ndigwa na ageni, na makaûraga ciana irîa itarî aciari;

Ntha 22:21

“Mûtikaanavinyîrîrie mûgeni kana mûmûvîtîria, ririkanani atî wanamue mwarî ageni vûrûrirî wa Misiri.

Ntha 23:9

“Ndûkanavinyîrîrie mûndû mûgeni. Mue nîmwicî ûrîa mûndû mûgeni egucaga nîûndû mwarî ageni vûrûrirî wa Misiri.

Isaia 10:2

Mekaga ûguo nîguo maime athîni kîvooto, na gûcuuna athîni a andû akwa kîrîa kîmagîrîrîte. Matavaga aka a ndigwa, na makaîa ciana cia ndigwa.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Ezek 18:12

Ke nîavinyagîrîria andû arîa athîni na arîa mavatarîte, nî mûcunani, ndarîvaga kîndû kîrîa meranîrîte atî nîakaarîva, nî avoyaga mîvuanano, na nîekaga maûndû marî mûgiro,

Ezek 22:7

Îthe na ng'ina wa mûndû arîa marî kûrî we mativecagwa gîtîîo. Mûgeni ûrîa ûtûûraga gwaku, nîacunagwa indo ciake. Nacio ciana cia ngoriai na aka a ndigwa nîmoonagîrwa.

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Alawi 19:33

“Mûtikavinyagîrîrie ageni arîa mûtûûranagia nao vûrûrirî wenyu.

Amosi 3:10

Ngai-Mûnene arauga atîrî, “Maigaga indo irîa maîîte na macunanîte na vinya nyombarî ciao. Kwoguo matimenyaga gwîka maûndû marîa magîrîru.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Mika 3:3

Mûrîcaga nyama cia andû akwa, mûkamaruta rûûo mîrîrî yao, munangaga mavîndî mao, na mûgatinangia nyama ciao tûcunjî tûcunjî ta cia kûrugwa na nyûngû.

Mika 6:12

Andû arîa itonga nîmaverithagia andû arîa athîni, na muonthe mwîcûrîtwe nî maveeni.

Mathaayo 25:43

Nie naarî mûgeni na mûtianyita ûgeni kwenyu mûciî na naarî njaga na mûtiamva nguo ya gwîkîra. Nie naarî mûrwaru na naarî njeera na mûtiaûka kûmona!’

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.