Ezek 22:19 - ÎVUKU RÎA ÛVORO MWARO

¹⁹ Kwoguo nie Ngai-Mûnene mbugîte atî muonthe mûtuîkîte ta gîko gîa cuuma, kwoguo rîu nîngûmûcokanîrîria vamwe kûu Jerusalemu.

Ezek 22:19 ပူးပေါင်းရင်းမြစ်များ

Thaburi 119:119

Andû onthe a nthî arîa aganu ûmatucaga ta gîko, kwoguo nie nîmendete matuîro maku ma ciira.

Isaia 1:25

Nîngaamûverithia; nîngaamûtheria ta ûrîa cuuma îtheragua na mwaki, na nîmûtherie gîko kîenyu kîonthe.

Ezek 11:7

“Kwoguo, nie Ngai-Mûnene mbugîte atî, ciimba cia andû arîa mûragîte na mûkamaikia na kûu, andû arîa mûragîte nîo nyama, narîo îtûûra rîîrî nîrîo nyûngû ya kûruga, nwatî nîngûmûruta kuo.

Ezek 22:18

“We mûndû, andû a Isiraeli matuîkîte kîndû gîtarî kîene. Onthe matuîkîte ta cuuma cia gîcango, mavati, cuuma cia ûturi na cuuma irî mwakirî wa kûtheria. Mekariî ta gîko kîrîa kiumaga kûrî sîlûva.

Ezek 22:20

Andû maûnganagia cuuma ya sîlûva, gîcango, na cuuma ya mavati na îgekîrwa mwakirî nîguo îrarûrwe na îtherue. Kwoguo nîngaamûngania vamwe nîrî na marakara na mang'ûrîka na mûvîvue na mwaki mûrarûrwe ta ûrîa cuuma îrarûragwa.

Mika 4:12

Nwatî maticî meciria ma Ngai-Mûnene, kana mataûkîrwa nî mûvango wake. Matiramenya amacokanîrîrîtie vamwe ta ikûmbwa cia ngano îtîrirî.

Mathaayo 13:30

Tigani ngano na ria ikûranîrie vamwe nginya vîndî ya maketha. Vîndî îo nie nîngera akethi mambe makûûre ria, marîove ikûmbwa ikûmbwa na marîvîvie, na macoke makethe ngano maciige îkûmbîrî rîakwa.’ ”