Ezek 22:15 - ÎVUKU RÎA ÛVORO MWARO

¹⁵ Nîngaakûnyagania mavûrûrirî ma andû a ndûrîrî, na maûndû marîa macûku ûrî namo nîmathirie viû.

Ezek 22:15 ပူးပေါင်းရင်းမြစ်များ

Nehemia 1:8

Ririkana ûrîa werire ndungata yaku Musa atî, ‘Ethîrwa mue andû a Isiraeli tîmûtuîka evokeku mbere yakwa, nîngaamûnyagania kûrî ndûrîrî irîa ciîngî.

Isaia 1:25

Nîngaamûverithia; nîngaamûtheria ta ûrîa cuuma îtheragua na mwaki, na nîmûtherie gîko kîenyu kîonthe.

Jeremia 15:4

Nîngatûma matuîke andû a kûmakia mothamaki monthe ma nthî, nîûndû wa maûndû marîa Manase mûvîcî wa Hezekia ekire kûu Jerusalemu rîrîa aarî mûthamaki wa Juda.

Ezek 20:23

Makîria ma ûguo nînevîtire nîrî mbere yao kûu werûrî ngiuga atî, nîngaamanyagania gatagatîrî ka ndûrîrî ciîngî na ndûme mavirwe mavûrûrirî mengî.

Ezek 20:38

Andû arîa aremi na arîa mevagia nîngaamaruta gatagatî kenyu. Nîngaamaruta kuuma vûrûrirî ûrîa matûûraga, nwatî ndigetîkîra matonya vûrûrirî wa andû a Isiraeli. Nîmûgaacoka mûmenye atî nie nînie Ngai-Mûnene.

Ezek 22:18

“We mûndû, andû a Isiraeli matuîkîte kîndû gîtarî kîene. Onthe matuîkîte ta cuuma cia gîcango, mavati, cuuma cia ûturi na cuuma irî mwakirî wa kûtheria. Mekariî ta gîko kîrîa kiumaga kûrî sîlûva.

Ezek 22:22

Wata ûrîa sîlûva îrarûragwa na mwaki, nwaguo mûkaararûrwa mûrî gatagatî ka îtûûra na nîmûkaamenya atî nînie Ngai-Mûnene mbîtûrûrîte marakara makwa kûrî mue.”

Ezek 23:27

Ûguo nîguo ngaagûtigithia ûmaramari ûcio waku na ûmaraa ûrîa wambîrîrie rîrîa warî Misiri, nîguo ndûgacoke kûmaroria kana ûririkana vûrûri wa Misiri rîngî.”

Ezek 34:6

Ng'ondu ciakwa nîcianyaganirie, ciaûrûraga kûndû kuonthe irîmarî na tûrîmarî. Cianyaganîrie nthî yonthe na gûtirî mûndû werûmbûyanirie na ûvoro wacio kana aicarie.

Ezek 36:19

Nînaamatuîrîre kûringana na mîtugo na mîthiîre yao na ngîmanyagania makîthiî mavûrûrirî mageni.

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Zakaria 13:9

Gîcunjî kîu kîmwe Kîam ithatû nîngaagikia mwakirî, na nîmatherie ta ûrîa mûndû atheragia sîlûva na mwaki, na nîmagerie ta ûrîa thaavu îgeragua na mwaki. Nîmakaamvoya, nanie nîngaacokia mavoya mao; Nie nîngaauga atî o nî andû akwa, nao nîmakaauga atî, nî nie Ngai-Mûnene Ngai wao.”

Zakaria 7:14

Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”

Malaki 3:3

Ke agaûka gûtûtuîra ta mûndû ûrîa ûthambagia na akatheria sîlûva. Nîakaatheria njiarwa cia Lawi, ta mûndû ûrîa ûtheragia thaavu kana sîlûva, nginya rîrîa makarutîra Ngai-Mûnene îgongoona rîrîa rîngîtîkîrîka.

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Mathaayo 3:12

Ke nîmûvarîriu gîtaararû gîa kûgûrûkia ngano, nîguo aige ngano makûmbîrî, namo macaki amavîvie na mwaki ûrîa ûtavorekaga.”

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

Gûco 4:27

Ngai-Mûnene nîakaamûnyagania mavûrûrirî marîa mengî, nwatî nî andû anini magaatigara kûu mavûrûrirî mau.

1Pet 4:12

Arata akwa ende, tigani kûmaka nîûndû wa ûrûrû wa mathîna marîa mûracemania namo mûkîgerua. Tigani gwîciria atî maûndû mau marekîka kûrî mue nî mageni.