Ezek 22:12 - ÎVUKU RÎA ÛVORO MWARO

¹² Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 22:12 ပူးပေါင်းရင်းမြစ်များ

Nehemia 5:1

Vîndî îmwe nîkwagîre na îteta înene kuuma kûrî arûme na aka ao nîûndû wa Ayahudi amwe ao.

Nehemia 5:7

Nîneciririe na ngîtua ûrîa ngwîka. Nînaareganire na atongoria na anene a andû na ngîmeera atîrî, “Mue nîmûravinyîrîria Ayahudi arîa engî enyu!” Nînaacokire ngîta andû na tûkîgomana tûrî gîkundi kînene nîûndû wao,

Thaburi 106:21

Maariganîrwe nî Ngai ûrîa wamavonokirie, ûrîa wekîte maûndû manene vûrûrirî wa Misiri.

Thaburi 15:5

Makombithanagia na matiîtagia maciaro, na matangîvakîka nîguo mavecane ûira wa maveeni wîgiî mûndû ûtarî na mavîtia. Andû arîa mekaga maûndû mama matikenyenya.

Nthi 1:19

Ûguo nîguo njîra cia acunani ciîkariî, maûragagwa nî indo irîa macunanîte.

Isaia 1:23

Atongoria enyu nî aremi na nî arata a aîi. Onthe nîmendete kûvakwa na nîmamûkagîra iveo. Matigitagîra ciana cia ndigwa, na matiaragîrîria aka a ndigwa.

Isaia 17:10

We Isiraeli, nîûriganîrîtwe nî Ngai ûrîa wakûvonokirie, ndûririkanaga Îthiga rîrîa rîkûgitagîra. Kwoguo, mûvandîte mîmera mîgûnda mwamûrîrîte Ngai, nîguo mûgoocagîre ngai ng'eni kuo.

Isaia 56:11

Mekariî ta ngui ngoroku, irîa itavaaga. Arîthi acio matirî ûmenyo; onthe nîagarûrûku na wa mûndû akethiîra njîra yake ke mwene, wa mûndû acaragia ûrîa akwîguna ke mwene.

Jeremia 2:32

Mwîrîtu nwa ariganîrwe nî mathaga make, kana mûviki ariganîrwe nî nguo yake ya ûviki? Nwatî andû akwa nîmariganîrîtwe nînie, îvinda rîa mîthenya îtangîtarîka.

Jeremia 3:21

Mûgambo nîwîguîtwe tûthûrûmûndûrî twa irîma andû a Isiraeli makîrîra na makîîthaithanîra, nîûndû nîmacûkîtie mîthiîre yao, na nîmariganîrîtwe nî Ngai-Mûnene Ngai wao.

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 9:1

Narî kethîrwa kîongo gîakwa nî kîthima Kîam manjî, na metho makwa matherûkage methori, nîguo ndîrage ûtukû na mûthenya, nîûndû wa andû akwa arîa maûragîtwe.

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Ezek 18:8

Ethîrwa mûndû ûcio ndakovithanagia kîndû nîguo akaarîvwa kîndû kîu kîrî na umithio, nîerigagîrîria ndakavîtie, na atuithanagia ciira na kîvooto gatagatî ka mûndû ûrîa ûkovete na ûrîa ûkovithanîtie.

Ezek 23:35

Ngai-Mûnene arauga atîrî, “We nîwariganîrwe nî nie na ûkîmbuvatîra, nîûkaaverithua nîûndû wa ûmaramari waku na ûmaraa waku.”

Ezek 36:12

Nîngaatûma andû akwa a Isiraeli maûke na matûûre vûrûri ûyû na mawîgwatîre ûtuîke wao na ndûgaatûma ciana ciao ikua rîngî.

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Alawi 25:37

Mûtikamûkombithie mbeca atî nîguo akaarîva na maciaro, na mûtikamûnengere irio atî nîguo akaamûrîva irî nyîngaîngî.

Amosi 8:4

Tathikîrîria ûvoro ûyû mue arîa mwendaga kûvinyîrîria ngîa, na mwendaga kûthiria athîni vûrûrirî,

Amosi 8:6

Tûkaagûraga arîa matarî na vinya na sîlûva, na arîa ngîa tûmagûrage na iratû cia nyamûga, na twendagie muura wa ngano.”

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 23:25

“Na kaî mue arimû a Watho na Afarisai mûrî na thîna-î! Mue mvinga ino! Mûthambagia ikombe na thaani cienyu gûkû îgûrû, nwatî ndaarî gwîcûrîte indo irîa mwonete na njîra ya gûcuunana na ya wîyendi.

Luka 18:11

“Mûfarisai nîwarûngamire vandû arî wenga na akîvoya na ngoro atîrî, ‘Ngai nîragûcokeria ngatho nîûndû nie ndiîkariî ta andû arîa engî methagîrwa marî akoroku, aganu na andû arîa mavûûraga ûmaraa. Nîragûcokeria ngatho nîûndû nie ndiîkariî ta mwîtia ûrîa wa mbeca cia gooti.

Luka 19:8

Nake Zakayo nîwaumîrire vau mbere yao onthe na akîîra Mwathani atîrî, “Tathikîrîria Mwathani! Nie nîngûva athîni nuthu ya indo ciakwa. Na angîthîrwa kûrî mûndû nanacuuna kîndû gîake, nîngûmûrîva maita mana ma kîo.”

Luka 3:13

Johana nîwamacokerie atîrî, “Tigagani gwîtia andû mbeca nyîngî gûkîra ûrîa watho ûmwîtîkîrîtie.”

1Akor 5:11

Ûndû ûrîa naugaga nî atî mûtiagîrîrwe nî kûgîa ngwatanîro na mûndû wa wonthe ûrîa wîîtaga mûriû kana mwarî wa îthe wetû na ethîrwe nî mûvûûri ûmaraa, kana nî mûkoroku, kana nî mûvoi mîvuanano kana nî mûrumani, kana nî mûrîu wa njovi, wana kana nî mûcunani. Mue wana nginya mûtikaarîcanagîre na mûndû ta ûcio.

1Akor 6:10

kana maîaga kana arîa akoroku, kana mîrîu ya njovi, kana arumani wana kana acunani gûtirî mûndû wana ûmwe gatagatîrî ka acio ûkaagaîrwa ûthamaki wa Ngai.

Gûco 16:19

Matiagîrîrwe nî kûregana na kîvooto kana marûtha kîmenyano, na matiagîrîrwe nî kwamûkîra îvaki, nîûndû îvaki rîtucaga mûndû mûûgî kîrimû akaremwa nî gûtua îtua ûrîa kwagîrîrîte.

Gûco 23:19

“Rîrîa Mûisiraeli akovithia Mûisiraeli ûrîa wîngî kîndû ta mbeca, irio, kana kîndû wa kîonthe kîngîgîa na maciaro, ndakamwîtie maciaro.

Gûco 27:25

“ ‘Kûnyitwa nî kîrumi nî mûndû ûrîa wamûkagîra mbeca nîguo aûrage mûndû ûtarî na mavîtia.’ “Nao andû onthe nîmakaauga, ‘Ameni!’

Gûco 32:18

Nîmaariganîrwe nî Îthiga rîrîa rîamaveere mwoyo, nîmaariganîrwe nî Ngai ûrîa wamaciarire.

1Tim 3:3

Ndagîrîrwe nî kwîthîrwa arî mûrîu kana mûndû wa înegene, nwatî agîrîrwe nîkwîthîrwa arî mûndû mûkirîrîria na mwendi thayû na ûtarî mûkorokeri mbeca.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.