Ezek 22:11 - ÎVUKU RÎA ÛVORO MWARO

¹¹ Amwe nîmekaga maûndû ma waga nthoni na aka a andû arîa mariganîtie nao, na engî mageka maûndû ma ûtharia na aka a avîcî ao. Andû engî gatagatîrî kenyu nîmekaga maûndû ma ûtharia na aa mwarwang'ina.

Ezek 22:11 ပူးပေါင်းရင်းမြစ်များ

2Sam 13:1

Abusalomu mûvîcî wa Daudi aarî na mwarwang'ina mûthaka mûno wetagwa Tamarû. Nake Amunoni, ûmwe wa anake a Daudi nîwendire Tamarû.

2Sam 13:11

Nwatî rîrîa Tamarû aamûkuvîvîrie, Amunoni nîwamûnyitire njara na akîmwîra atîrî, “Ûka tûmame nawe mwarwaiya.”

2Sam 13:14

Nwatî Amunoni ndaathikîrîria ûguo eeragwa nî Tamarû. Na nîûndû ke aarî na vinya kûrî Tamarû, nîwamûnyitire na akîmenyana nake kîîmwîrî na vinya.

Jeremia 29:23

Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Jeremia 9:2

Narî kethîrwa nîrî na vandû va kûraara werûrî, ndige andû akwa vo na nthiî kûraca nao. Nîûndû nî itharia, nî gîkundi Kîam acukanîrîri.

Ezek 18:11

marîa îthe atekaga nîûndû nî arîcaga irio irîa irutîtwe irî cia magongoona ma ngai cia mîvuanano irîmarî, nîacûkagia mûka wa mûndû ûrîa mariganîtie nake.

Ezek 18:6

wana ndarîcaga irio cia magongoona irîa irutîrîtwe mîvuanano ya andû a Isiraeli irîmarî kana amîgooca, kana aveenererie mûka wa mûndû ûrîa mariganîtie nake, kana amenyane kîîmwîrî na mûndûmûka îvinda rîake rîa mweri,

Ezek 33:26

Mwîvokaga indo cienyu cia mbaara, na mûgeka maûndû marîa marî mûgiro. Arûme mekaga maûndû ma ûtharia na aka a andû arîa mariganîtie nao. Mûreciria nwa mûvewe vûrûri ûyû ûtuîke wenyu?

Alawi 18:15

Mûtikamenyane kîîmwîrî na mwîrîtu wa kanyanyaguo; nî mûka wa mûvîcîguo.

Alawi 18:20

Mûtikamenyane kîîmwîrî na mûka wa mûndû wîngî; ûndû ûcio nwa ûtûme we wîthîrwe ûtarî mûtheru.

Alawi 18:6

“Gûtirî mûndû wa cienyu ûkaamenyana kîîmwîrî na mûndû wa wonthe ûrîa metanîtue nake. Nie nînie Ngai-Mûnene.

Alawi 18:9

Mûtikamenyane kîîmwîrî na mwarwanyûkwe kana mwarwanyûkwe ûrîa mûtarî a ng'ina ûmwe nake, wana ethîrwa akûrîrîte mûciî kana akûrîrîte nja ya mûciî.

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Alawi 20:12

Mûndûmûrûme angîkaamenyana kîîmwîrî na mûka wa mûvîcî, andû acio wa oîrî nîmakaaûragwa. Andû acio nîmamenyanîte kîîmwîrî marî a nthakame îmwe, na ikuû ciao ikaaumana na gîîko Kîamo o ene.

Alawi 20:17

Mûndûmûrûme ûkaavikia mwarwang'ina, marî a ng'ina ûmwe kana matarî a ng'ina ûmwe, kîu nî gîîko Kîam ûûra nthoni na andû acio nî makaamûranua na andû acio engî. Mûndûmûrûme akethîrwa aconorithîtie mwarwang'ina na nî akaaverithua nîûndû wa wîvia wake ke mwene.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

Agal 5:19

Maûndû marîa macûku mekagwa nî mwîrî nîmeyonanîtie, namo nî: ûtharia, gwîka ciîko njûku na cia ûûra nthoni,

Gûco 22:22

“Mûndûmûrûme angîkaanyitwa akîmenyana kîîmwîrî na mûka wa mûndû wîngî, wa oîrî nîmakaaûragwa. Ûguo nîguo mûkaathiria wîvia ûcio gatagatîrî kenyu.

Gûco 27:22

“ ‘Kûnyitwa nî kîrumi nî mûndû ûrîa ûmenyanaga kîîmwîrî na mwarwang'ina, marî a ng'ina ûmwe kana matarî a ng'ina ûmwe.’ “Nao andû onthe nîmakaauga, ‘Ameni!’

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.