Ezek 21:4 - ÎVUKU RÎA ÛVORO MWARO

⁴ Nîûndû ngaamaûraga nîmarute kûrî we arîa aro wana arîa aganu, kwoguo ngaaûraga andû onthe kuuma mwena wa îveti kûthiî mwena wa rûgûrû.

Ezek 21:4 ပူးပေါင်းရင်းမြစ်များ

Jeremia 12:12

Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 25:27

Ngai-Mûnene nîwacokire akîmbîra atîrî, “Îra andû atî nie, Ngai-Mûnene, mwene vinya wonthe, Ngai wa Isiraeli nîramera manyue marîwe na matavîke, magwe na maremwe nî gûkîra nîûndû wa mbaara îrîa ngûtûma îgîe gatagatîrî kao.

Ezek 14:17

“Nwa ndûme kûgîe mbaara vûrûrirî, na kûgîe indo njûku cia mbaara ithirie andû wana nyamû cia kîthaka.

Ezek 20:46

“Mûndû, taroria na mwena wa îveti. Vecana ûvoro wîgiî mwena wa îveti, na ûrathîre ûvoro ûkîregana na andû arîa matûûraga vûrûri wa Negebu.

Ezek 20:47

Îra Vûrûri wa Negebu ûthikîrîrie ûrîa Ngai-Mûnene augîte. Taroriani, nîngaakia mwaki kûrî we na nîûkaavîvia mîtî yonthe mîruru na mîtî yonthe mîûmû îrîa îrî kûrî we. Mwaki ûcio ndûkaavorua nî kîndû. Andû onthe kuuma mwena wa îveti kûthiî nginya mwena wa rûgûrû nîmakaavîvua nî ûrugarî wa guo.

Ezek 21:10

Rûnooretwe rwa kûragana; rûthûîtwe nîguo rûvenagie ta rûveni! Kûrî na ûndû wa gûkenerera? Andû akwa nîmanyararîte rûthanju Rwa kûverithia mûvîcîwa.

Ezek 21:9

“Mûndû, rathîra andû ûvoro ûmere Nie Mwathani mbugîte atî: Rûviû rwa njûra, rûviû rwa njûra nî rûnoore na rûkathûwa.

Ezek 7:2

“We mûndû, îra andû a Isiraeli atî nie Ngai-Mûnene mbugîte ûyû nî mûthiia! Ûyû nî mûthiia wa vûrûri wonthe!

Gûco 32:40

Wata ûrîa Nie nîrî Ngai ûrîa ûtûûraga mwoyo, nîngûkîrîria njara nîîvîte atî,