Ezek 21:31 - ÎVUKU RÎA ÛVORO MWARO

³¹ Nîngamwîtûrûrîra marakara makwa, nîmûvuvîrîre mîruke ya marakara îkariî ta mwaki. Nîngaacoka nîmûnenganîre kûrî andû ndûrîka, arîa marî wara wa gûcûkangia.

Ezek 21:31 ပူးပေါင်းရင်းမြစ်များ

Thaburi 18:15

Îria nîrîanyaarire nthî, nayo mîcingi ya nthî nîyonekire, rîrîa wagûkirie nthû ciaku, we Ngai-Mûnene, na ûkîmagûkia ûrî na marakara.

Thaburi 79:6

Îtûrûra marakara maku kûrî andû arîa matagwicî, kûrî mavûrûri monthe marîa matakûgoocaga.

Thaburi 89:40

Nîwomomorete nthingo cionthe cia îtûûra rîake, nîunangîte kûndû gwake gwa kwîthitha.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 37:7

Taroria, nîngûtûma egue ûvoro ûcio na ûtûme acoke vûrûrirî wake, na kûu nîkuo ngaatûma aûragîrwe.’ ”

Isaia 40:7

Nyaki nîyûmaga namo maûa makavova, rîrîa rûkûngi rwa Ngai-Mûnene rwavurutana îgûrû rîamo; nama, andû mekariî ta nyaki.

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Ezek 14:19

“Narîo nîngîtûma mûrimû mûcûku kûu vûrûrirî nîrî na marakara, nîngatûma andû na nyamû ikue,

Ezek 25:7

Kwoguo, rîu nîngûtambûrûkia njara yakwa ndûe namue na nîmûrekererie mûtavwe nî andû a mavûrûri mengî. Nîngaamûcûkangia na ndûme mûthire viû mavûrûrirî na nîmûkaamenya atî nie nînie Ngai-Mûnene.”

Ezek 7:24

Kwoguo nîngaarete mavûrûri maganu mûno megwatîre nyomba ciao, naguo mwîtîîo wa andû arîa marî vinya ûthire; nakuo kûndû kwenyu gwa kûgoocera kûgwatue mûgiro.

Ezek 7:8

“Kavinda gatarî karaca nîngûmwîtûrûrîra marakara makwa. Nîmûtuîre ciira kûringana na mîthiîre yaku, na nîûgacokererwa nî maûndû menyu monthe macûku.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Hagai 1:9

“Mweriragîria maketha meengî, nwatî mwonire manini. Na rîrîa mwamaretire mûciî, nînamagûrûkirie. Nake Ngai-Mûnene mwene vinya wonthe araûria, ‘Nekire ûguo nîkî?’ Nîûndû hekarû yakwa nî nyomomoku, na wa mûndû arethînia na nyomba yake.