Ezek 21:28 - ÎVUKU RÎA ÛVORO MWARO

²⁸ “We mûndû, ratha ûvoro wîgiî andû a Aamoni nîûndû wa rûmena rûrîa mamûmenete uge Ngai-Mûnene augîte atî, rûviû rwa njûra, rûviû nîrûcomoretwe nîguo rûragane. Rûtheretue mûno nîguo rûvenie ta rûveni.

Ezek 21:28 ပူးပေါင်းရင်းမြစ်များ

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Isaia 31:8

Vîndî îo Asîria makaaûragwa na rûviû na tî rwa mûndû; makaathirua na rûviû rwa vinya gûkîra rwa mûndû, nao nîmakaaûra nî rûviû rûu, na anake ao arîa ethî nîmakaarutithua wîra na vinya.

Jeremia 12:12

Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Jeremia 46:14

“Anîrîra vûrûrirî wa Misiri, na ûmenyithanie kûu Migidoli, anîrîra kûu Memufisi na Tahipanesi. Meere atî: ‘Îkarani mwîvarîrîtie, nîûndû mbaara nîgaacûkangia kûndû kuonthe.’

Ezek 17:13

Nîwocire mûndû ûmwe wa mûciî wa mûthamaki wa Jerusalemu na akîthondeka kîrîkanîro nake na agîtûma evîte. Nîwarutire andû arîa marî njamba vûrûrirî na akîthiî nao,

Ezek 17:15

Nwatî mûthamaki wa Jerusalemu nîwareganire na mûthamaki wa Babuloni. Nîwatûmire aarîrîria a vûrûri wake makîthiî nginya Misiri nîguo mûthamaki wa Misiri amûve mbarathi na athigari a mbaara. Mûthamaki wa Jerusalemu nî akaavootana? Mûndû ûrîa wîkîte ûguo nwa avonoke nîûndû nî aunîte kîrîkanîro? Kinthî twa nginya averithue?”

Ezek 21:20

Ûgeekîra rûûri rwa kwonia mûthamaki njîra îrîa îthiîte Raba, îtûûra rînene rîa Aamoni. Nîûgekîra rûûri rwîngî rwa kwonania njîra îrîa îthiîte Jerusalemu îtûûrarî rîrîa rîgitîre rîa Juda.

Ezek 36:15

Na ndikenda mwîgua irumi kuuma mavûrûri mau rîngî kana mamûnyûrûria kana matûme vûrûri wenyu ûvîngwe rîngî. Ûguo nîguo nie Mwathani Ngai-Mûnene mbugîte.”

Hosea 9:9

Nîmarikîrîte mûno maûndûrî ma ungumania, wata ûrîa kwarî vîndî ya Gibea. Ngai nîakaaririkana waganu wao, nîakamaverithia nîûndû wa mevia mao.