Ezek 21:26 - ÎVUKU RÎA ÛVORO MWARO

²⁶ Nie Ngai-Mûnene mwene vinya wonthe mbugîte atî: Ruta kîremba kuuma kîongo gîaku na ûrute nthûmbî. Maûndû matigwîkara ûrîa meekariî mbere. Tûgîria arîa enyivia, na ûnyivie arîa metûgagîria.

Ezek 21:26 ပူးပေါင်းရင်းမြစ်များ

2Atha 25:27

Mwakarî ûrîa Evilimerodaki aatuîkire mûthamaki wa Babuloni, nîwaeguîrîre Jehoiakini mûthamaki wa Juda ntha na akîmûrekereria kuuma njera. Mûthenya wa mîrongo îîrî na mûgwanja (27) wa mweri wa îkûmi na îîrî mwaka wa mîrongo îthatû na mûgwanja kuuma Jehoiakini avirwa îthamîriorî nîrîo aarekereerue kuuma njera.

2Atha 25:6

Athigari acio nîmaanyitire Zedekia na makîmûvira kûrî mûthamaki Nebukadinezarû, ûrîa vîndî îo warî îtûûrarî rî Ribula. Nebukadinezarû nîwamûtuîrîre arî kûu.

Thaburi 75:7

Ngai ke mwene nîke mûtucanîri, nîatucagîra amwe atî marî na mavîtia, na agatuîra engî atî matirî na mavîtia.

Nthi 27:24

nîûndû ûtonga ndûtûûraga tene na tene, wana ûthamaki ndûtûûraga tene na tene.

Isaia 47:12

Îkara wîvokete ûgo na ûrogi waku mwîngî, indo irîa ûtwîre ûtûmagîra kuuma rîrîa warî mûnini. Ciavota gûgûtethia, ciavota gûtûma andû metigîre.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Maca 5:16

Ngumo yetû nî nthiru, kaî tûrî thînarî-î, nîûndû nîtwîvîtie!

Ezek 16:12

na ngîgwîkîra gîcûvî îniûrû na mindo matû, na ngîgwîkîra ngovia mbaro mûno kîongo.

Ezek 17:24

Nayo mîtî yonthe kûu vûrûrirî nîkaamenya atî nie nînie Ngai-Mûnene. Nîmvotaga gûtûma mîtî îrîa mîraca îtuîke mîkuvî na mîtî îrîa mîkuvî îtuîke mîraca. Nînyûmagia mîtî îrîa mîthî na îrîa mîûmû ngatûma îtuîke mîthî. Nie Ngai-Mûnene nînie mbugîte ûguo, na nîngeka guo.”

Luka 1:52

Nî agwîthîtie athamaki makauma itîîrî ciao cia ûthamaki, na akanenevia arîa menyivagia.

Jakuvu 4:10

Îînyivieni mbere ya Mwathani, nake nîakûmûnenevia.

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.