Ezek 21:25 - ÎVUKU RÎA ÛVORO MWARO

²⁵ “Nawe we mûtongoria wa Isiraeli, mûtongoria mwaganu na ûtarî mûtheru, mîthenya yaku ya îverithia rîa mûthiia nîmîkinyu.

Ezek 21:25 ပူးပေါင်းရင်းမြစ်များ

2Maû 36:13

Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

Thaburi 37:13

Nwatî Ngai-Mûnene nîathekagîrîra andû arîa aganu, nîûndû nîecî atî nîmakûthirua vuva wa kavinda kanini.

Thaburi 48:13

taîcirieni ûvoro wa nthingo na mûrorie cia kwîgitîra, nîguo mûkeera njiarwa irîa igaaûka atîrî,

Thaburi 7:9

We wî Ngai mûthingu, na ûtucagîra ngoro cietû na meciria metû, thiria waganu wa eki naaî, na ûrathime andû arîa athingu.

Jeremia 24:8

“Nwatî ûvoro wîgiî Zedekia mûthamaki wa Juda, nie Ngai-Mûnene nîrauga atî, wata ûrîa ngûyû icio irî njûku ûndû itangîrîka, nîguo ngamwîka ke mwene, atongoria andû arîa matigarire Jerusalemu na arîa matûûraga vûrûrirî wa Misiri, wana arîa maathamîre vûrûrirî wa Misiri.

Jeremia 49:1

Ûvororî wîgiî andû a Amori, Ngai-Mûnene araûria atîrî, “Nîkwa Isiraeli gûtarî arûme? Gûtirî mûndû ûngîgaa vûrûri ûcio? Nîndûî gîtûmîte andû arîa magocaga ngai îrîa îtagwa Milikomu, megwatîre vûrûri wa Gadi makînatûûra kuo?

Jeremia 49:2

Nwatî rîu kavinda nîgagûkinya, rîrîa ngaanîrîra mûgambo wa mbaara, îgûrû rîgiî Raba îtûûra rîa Aamoni. Rîgatuîka ta maganjo, na icagi cia rîo ivîvue na mwaki. Isiraeli nîagaacoka atave arîa maamûtavîte. Ûguo nîguo Ngai-Mûnene Mwene vinya wonthe arauga.

Jeremia 51:13

Mue arîa mûtûûraga vûrûri ûrî nyûnjî nyîngî, vûrûri ûrî ûtonga mwîngî, îvinda rîenyu nîrîkinyu, ûtûûro wenyu nîmûkinyu mûthiia.

Jeremia 52:2

Nake Zedekia nîwekire maûndû macûku marîa matakenagia Ngai-Mûnene, wata marîa mekîtwe nî mûthamaki Jehoiakimu.

Ezek 17:19

Kwoguo Ngai-Mûnene augîte atîrî, “Wata ûrîa nie ndûûraga mwoyo, nama nîngaamûverithia nîûndû wa kûnyarara mwîvîtwa ûrîa eevîtire na rîîtwa rîakwa na akiuna kîrîkanîro kîrîa twarîkanîre nake.

Ezek 21:12

Mûndû, rîra ûkiugagîrîria, nîûndû rûviû rûu rûnooretwe nîûndû wa andû akwa na atongoria a Isiraeli. Manenganîrîtwe nîguo maûragwe vamwe na andû akwa, Kwoguo îringe kîero!

Ezek 21:24

Kwoguo Ngai-Mûnene augîte atî nîmûtûmîte mevia menyu maririkanwe, mevia menyu nîmaguûrie. Maûndû monthe marîa mwîkaga nîmatûmaga mevia menyu monekane. Kwoguo nîmûgaatavwa nî nthû cienyu.

Ezek 21:29

Cioneki irîa mwonaga nî cia mana, na mamûrathagîra maveeni matheri. Rûviû nîrûvarîrîrie nîguo rûteme andû arîa aganu. Kavinda kao ka mûthiia ga kûverithua nîgakinyu.

Ezek 25:5

Nîngaatua îtûûra rîa Raba kûndû gwa kûrîthagua ngamîîra, na ndue matûûra ma Amoni njaga cia ng'ondu. Namue nîmûkaamenya atî nie nînie Ngai-Mûnene.”

Ezek 30:3

Nîûndû îvinda rîrî vakuvî, mûthenya wa Ngai-Mûnene ûrî vakuvî, ûkethîrwa ûrî mûthenya wîna matu, mûthenya wa kûthirua kwa ndûrîrî.

Ezek 35:5

“We ûtûûraga ûrî nthû ya andû a Isiraeli na ûkîmaûragithia rîrîa maarî thînarî na vîndî îrîa maaverithagua nîûndû wa mevia mao.

Ezek 7:2

“We mûndû, îra andû a Isiraeli atî nie Ngai-Mûnene mbugîte ûyû nî mûthiia! Ûyû nî mûthiia wa vûrûri wonthe!

Ezek 7:3

“Mue andû a Isiraeli mûthiia nîûmûkinyîrîte; nîngwîtûrûra marakara makwa kûrî mue. Ngamûtuîra kûringana na mîtugo yenyu, na nîngamûverithia nîûndû wa maûndû menyu macûku.

Ezek 7:6

Mûthiia nî mûkinyu! Mûthiia nî mûkinyu! Mûthiia nî ûmûkinyîrîte!

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.