Ezek 21:21 - ÎVUKU RÎA ÛVORO MWARO

²¹ Nîûndû mûthamaki wa Babuloni akaarûngama varîa njîra itigithanîrîte, Kîammbîrîriarî Kîam njîra icio cioîrî nîguo aragûrie. Nîakainainia mîguî yake, na aûrie kuuma kûrî mîvuanano, na arorie nyama ya îtema.

Ezek 21:21 ပူးပေါင်းရင်းမြစ်များ

Kîam 31:19

Vîndî îo, Labani aarî akûthiî kwenja ng'ondu ciake. Nake Rakeli nîwaîire ngai cia mîvuanano irîa îthe aaigîte nyomba.

Kîam 31:30

Nîmbicî wathiîre nîûndû nîwegucaga wîrirîrîtie mûno gûcoka kwenyu. Nwatî waîire ngai ciakwa nîkî?”

2Atha 23:24

Mûthamaki Josia nîwarutire kuuma Jerusalemu na Juda arogi, aragûri, na ngai cia mîvuanano, na indo cionthe irîa ciarî mûgiro. Josia eekire ûguo nîguo avingie mawatho marîa mandîke îvukuurî rîrîa mûthînjîri-Ngai Hilikia oonire hekarûrî ya Ngai-Mûnene.

Nthi 16:10

Mûthamaki atucaga matua avotithîtue nî Ngai; ndavîtagia rîrîa agûtua ciira.

Nthi 16:33

Andû maikagia mîtî nîguo mamenye ûrîa gûgaatuîkîka, nwatî Ngai-Mûnene nîke ûtucaga ûrîa gûgaatuîkîka.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Hosea 4:12

Andû akwa mavoyaga ûtaaro kuuma mûtîrî, kamûtî kao ka ûragûri nîko kamavecaga ûguûrio, Wendi wao wa ûtharia nîûmavîtithîtie, nîmavûrîte ûmaraa na njîra ya gûtungatîra ngai ciîngî, nîmandiganîrîtie nie Ngai wao.

Zakaria 10:2

Andû matuîragia maûndû kûrî ngai cia mana, na aragûri makoona cioneki cia maveeni; iroto ciao ciîthagîrwa irî cia maveeni, na kûmanîrîria kwao nîkwa mana. Kwoguo andû maûrûraga ta ng'ondu; mavinyagîrîrua nîûndû matirî na mûrîthi.

Ndari 22:7

Kwoguo atongoria a Moabu na a Midiani nîmaaumire makîthiî kûrî Balaamu makuîte îrîvi rîa kûragûrîrwa. Makinya nîmaaveere Balaamu ndûmîrîri ya Balaki.

Ndari 23:23

Gûtirî mûndû ûngîroga andû a Jakovu, gûtirî ûgo ûngînyita andû a Isiraeli. Andû makaaugaga atîrî, ‘Taroriani mwone magegania marîa Ngai ekîte kûrî andû a Isiraeli.’

Ndari 23:28

Kwoguo Balaki nîmaathiîre na Balaamu nginya kathûrûmûndû ga kîrîma Kîam Peori, varîa mûndû angîrûngama akona werû.

Mathaayo 22:9

Kwoguo thiîni na kûu njîrarî na mwîte andû onthe arîa mûkoona maûke îrugarî.’

Ciîko 16:16

Na vîndî îmwe rîrîa twathiîte vandû va kûvoera, nîtwatûngirwe nî mwîrîtu ûmwe ngombo, warî na ngoma yamûvotithagia gwîciirîria maûndû marîa maarî mekîke. Mwîrîtu ûcio nîwatûmaga ene ke moone mbeca nyîngî mûno na njîra ya gwîciirîria kûu gwake kwa maûndû marîa maarî mekîke.

Gûco 18:10

Gatagatîrî kenyu gûtikethîrwe kûrî na mûndû wa wonthe ûkaaruta mûvîcî, kana mwarî arî îgongoona rîa kûvîvua. Gûtikethîrwe kûrî na mûragûri, mûndûmûgo kana mûringi mbûgû,

Atir 17:5

Mika aarî na vandû vake varîa aagoocagîra. Nîwathondekire mîvuanano na efodi na akîthuura mûvîcî ûmwe agîtuîka mûthînjîri-Ngai wake.

Atir 18:14

Arûme acio atano arîa maathiîte kûthigana vûrûri wa Laishi nîmeerire andû ao atîrî, “Nî mwîcî atî nyombarî îmwe ya ino kûrî na ngai ya mûvuanano îvakîtwe sîlûva kuonthe? Kûrî wana mîvuanano îngî na efodi. Rîu îîcirieni ûrîa mûgwîka.”

Atir 18:17

Athigani acio atano nîmaathiîre magîtonya nyomba na magîoca mûvuanano ûrîa wavakîtwe sîlûva, mîvuanano îo îngî vamwe na efodi. Nake mûthînjîri-Ngai na athigari arîa magana matandatû (600) marî na indo cia mbaara maarî kîvingorî.

Atir 18:18

Rîrîa arûme acio atano maatonyire kwa Mika mûciî na magîoca indo icio cionthe, mûthînjîri-Ngai nîwamaûririe atîrî, “Nîkwa mûreka atîa?”

Atir 18:20

Ûvoro ûcio nîwakenirie mûthînjîri-Ngai mûno. Nîwacokire agîoca indo icio ntheru na makîthiî na arûme acio.

Atir 18:24

Nake Mika nîwacokirie atîrî, “Mûrauga atîa rîrîa mûrambûria, nîrenda atîa? Mwakuua ngai îrîa naathondekire na mwathiî na mûthînjîri-Ngai wakwa! Natigwa na ndûî?”

1Sam 15:23

Kûregana na Ngai-Mûnene kwîganene na wîvia wa ûragûri, naruo rûng'athio nî wîvia wîganene na wîvia wa kûvoya mûvuanano. Nîûndû nîwaregire gwîka ûrîa Ngai-Mûnene aakwîrire wîke, wanake nîaregete ûtuîka mûthamaki.”