Ezek 21:20 - ÎVUKU RÎA ÛVORO MWARO

²⁰ Ûgeekîra rûûri rwa kwonia mûthamaki njîra îrîa îthiîte Raba, îtûûra rînene rîa Aamoni. Nîûgekîra rûûri rwîngî rwa kwonania njîra îrîa îthiîte Jerusalemu îtûûrarî rîrîa rîgitîre rîa Juda.

Ezek 21:20 ပူးပေါင်းရင်းမြစ်များ

2Sam 12:26

Joabu nîwarûire na Raba, îtûûra rîrîa rîarî rînene rîa Aamoni na akîrîtava.

2Sam 5:9

Daudi arîkia gûcuunana îtûûra rîu rîairigîrîtwe na rûthingo rwa vinya, nîwatûûrire kuo na akîrîtuîra rîîtwa, “Îtûûra rîa Daudi.” Nîwacokire agîtuma îtûûra rîrigicîrîtie ambîrîrîtie mwena wa îrathîro wa kîrîma nîûndû kûu nîkuo mûthetu waikîrîtue gûkaragana waro.

2Maû 26:9

Uzia nîwatumire nyomba ndaca ivingorî cia Jerusalemu na agîcirigîra. Îmwe yarî kîvingorî Kîam mwena na îo îngî kîvingorî Kîam Kîamndarî, nayo îo îngî varîa rûthingo rweyunîrîte.

2Maû 32:5

Hezekia nîwarutire wîra na vinya wa gûtuma rîngî rûthingo rwa Jerusalemu kûrîa rwarî rwomomoku na agîtuma nyomba ndaca na îgûrû cia arangîri rûthingorî rûu. Nîwatumire rûthingo rwa kaîrî mwena wa nja wa rûthingo rûu na agîtuma kûndû kûrîa gwecûrîtue mûthetu mwena wa îrathîro wa îtûûra rîa Daudi nîguo kûgîe na vinya. Wana nîwarûthire ngo na indo nyîngî cia mbaara.

2Maû 33:14

Vuva wa ûguo Manase nîwatumire rîngî rûthingo rwa mwena wa nja rwa îtûûra rîa Daudi, mwena wa îthûîro wa kîthima Kîam Gihoni kîrîa kîrî Kîamndarî nginya kîvingorî kîrîa gîetagwa Kîvingo Kîam Nthamaki na kûthiûrûrûka nginya Ofeli na nîwarûtumire rûrî rûraca na îgûrû makîria. Wana nîwaigire anene a ikundi cia athigari a mbaara matûûrarî monthe ma Juda marîa maarî mairigîre.

Isaia 22:10

Nîmwatarire nyomba cionthe cia Jerusalemu, mûkîomomora imwe ciacio nîguo mûgîe na mathiga ma gûcokereria nthingo cia îtûûra nîguo igîe vinya.

Jeremia 49:2

Nwatî rîu kavinda nîgagûkinya, rîrîa ngaanîrîra mûgambo wa mbaara, îgûrû rîgiî Raba îtûûra rîa Aamoni. Rîgatuîka ta maganjo, na icagi cia rîo ivîvue na mwaki. Isiraeli nîagaacoka atave arîa maamûtavîte. Ûguo nîguo Ngai-Mûnene Mwene vinya wonthe arauga.

Maca 4:12

Athamaki a nthî matietîkia, kana atûûri onthe a nthî, atî nthû nîîngîatonyire ivingorî cia Jerusalemu.

Ezek 25:5

Nîngaatua îtûûra rîa Raba kûndû gwa kûrîthagua ngamîîra, na ndue matûûra ma Amoni njaga cia ng'ondu. Namue nîmûkaamenya atî nie nînie Ngai-Mûnene.”

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Gûco 3:11

“Ogu, mûthamaki wa Bashani nîke wenga watigarîte gatagatîrî ka njiarwa cionthe cia Refaimu. Gîtanda gîake gîatumîtwe na cuuma. Kîarî na ûraca wa mita inya (4) na wariî wa mita igîrî (2), kûringana na kîthimi kîrîa Kîamgîrîrîte. Gîtanda kîu nwa kîonagwa Raba, îtûûra înene rîa Aamori.