Ezek 21:15 - ÎVUKU RÎA ÛVORO MWARO

¹⁵ nîguo mathirwe nî ûmîrîru na andû eengî mavîngîcîke. Mîîrîgarî yao yonthe nîmvecanîte rûviû rûkûvenia. Rûthûîtwe na rûravenavenia ta rûveni rwîvarîrîtie kûragana.

Ezek 21:15 ပူးပေါင်းရင်းမြစ်များ

2Sam 17:10

Nake mûndû ûrîa mûmîrîru mûno, na ûrî ngoro ta ya mûnyambû nîagetigîra nîûndû Aisiraeli onthe nîmaicî atî aguo nî mûndû wicî kûrûa mûno na andû ake methagîrwa marî njamba.

Thaburi 22:14

Nie nîrî mûthiru vinya, nthirîte vinya ta manjî metîkîte nthî. Mavîndî makwa monthe nîmatigithanu, ngoro yakwa îkariî ta mûvûra ûrî mûrarûku.

Isaia 59:10

Tûthiîcaga tûkînyitanyitaga rûthingo ta itumumu, tûnyitanyitaga njîra ta andû matarî na metho. Tûvîngagwa mûthenya riûa rîrî îgûrû kîvîrî takwa kûrî ûtukû, tue twîkariî ta andû marî akuû tûrî gatagatîrî ka arîa marî vinya.

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Jeremia 17:27

Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Jeremia 18:15

Nwatî andû akwa nîmariganîrîtwe nî nie, mavîvagîria ngai cia mîvuano ûbani, nîmavîngîcîtwe njîrarî ciao, matirûmagîrîra njîra ciao cia tene, mathiîcagîra tûcangiri vandû va varavara îrîa nene.

Ezek 15:7

na nîngaamaverithia. Nîmakaaûra maume kûrî mwaki, nwatî makaavîvua nî mwaki, na nîmûgaacoka mûmenye atî nie nînie Ngai-Mûnene.

Ezek 20:47

Îra Vûrûri wa Negebu ûthikîrîrie ûrîa Ngai-Mûnene augîte. Taroriani, nîngaakia mwaki kûrî we na nîûkaavîvia mîtî yonthe mîruru na mîtî yonthe mîûmû îrîa îrî kûrî we. Mwaki ûcio ndûkaavorua nî kîndû. Andû onthe kuuma mwena wa îveti kûthiî nginya mwena wa rûgûrû nîmakaavîvua nî ûrugarî wa guo.

Ezek 21:10

Rûnooretwe rwa kûragana; rûthûîtwe nîguo rûvenagie ta rûveni! Kûrî na ûndû wa gûkenerera? Andû akwa nîmanyararîte rûthanju Rwa kûverithia mûvîcîwa.

Ezek 21:16

We rûviû rûrû rûûgî, tema na mwena waku wa ûrîo na ûteme na mwena wa ûmotho! Tema mwena ûrîa ûkwerekerua.

Ezek 21:19

“We mûndû, thuura njîra igîrî irîa mûthamaki wa Babuloni akaathiîrîra na rûviû rwake. Njîra cioîrî ikaauma vûrûrirî ûmwe. Kîambîrîriarî Kîam njîra nîvo ûkaaiga kîvaû gîa kwonanîrîria mwena ûrîa îtûûra rînene rîrî.

Ezek 21:22

Njararî yake ya ûrîo, gûgaaûka woni wa Jerusalemu. Woni ûcio ûkaamwonia aigithia mîgogo mînene, augîrîrie na mûgambo wa mbaara, aigithie mîgogo mîtungu ya kwomomora ivingo cia Jerusalemu. Nîagetûrûrithia ivumbu nene cia mûthetu ithiûrûrûkîrîtie îtûûra na atume nthingo ndaca na îgûrû cia kûrîrigicîria.

Ezek 21:28

“We mûndû, ratha ûvoro wîgiî andû a Aamoni nîûndû wa rûmena rûrîa mamûmenete uge Ngai-Mûnene augîte atî, rûviû rwa njûra, rûviû nîrûcomoretwe nîguo rûragane. Rûtheretue mûno nîguo rûvenie ta rûveni.

Ezek 21:7

Na rîrîa magaakûria ûracaya nîkî, ûkaamera ûracaya nîûndû wa ndûmîrîri îrîa yûkîte. Rîrîa ndûmîrîri îo îgaakinya, ngoro cionthe nîigeecûrwa nî guoya na njara ithire vinya. Maroho monthe nîmakaaringîka na maru maregere ta manjî. Nama mûthenya ûcio nîûgûka na nwanginya ûkaavingua.” Ûguo nîguo Ngai-Mûnene augîte.

Josh 2:11

Na rîrîa twegwire ûguo tue nîtwagîre guoya nyîngî na tûgîtigîra na gûtirî mûndû ûrî na ûmîrîru arî mbere yenyu. Nîûndû Ngai-Mûnene, Ngai wenyu nîke Ngai wa îgûrû na wa gûkû nthî.