Ezek 20:7 - ÎVUKU RÎA ÛVORO MWARO

⁷ Naamerire matecanîrie maûndû marî mûgiro marîa meeriragîrua nî metho mao, na matige kwîgwatia gîko na mîvuanano ya kûgoocwa ya Misiri. Nie nînie Ngai-Mûnene, Ngai wao.

Ezek 20:7 ပူးပေါင်းရင်းမြစ်များ

2Maû 15:8

Rîrîa mûthamaki Asa eegwire ûrathi ûrîa warirue nî Azaria mûvîcî wa Odedi, nîwagîre na ûmîrîru. Nîwarutire mîvuanano yonthe îrîa yarî vûrûrirî wa Juda na wa Benjamini na îrîa yarî matûûrarî monthe marîa aatavîte vûrûrirî ûrîa ûrî irîma wa Efiraimu na agîtuma rîngî metha ya kîgongoona ya Ngai-Mûnene îrîa yarî kîvarorî Kîam hekarû.

Ntha 16:12

“Nîmbîguîte mateta ma andû a Isiraeli. Meere atî, kîvwaî makaarîcaga nyama na kîraûko makarîa mîgate wa îrîa makwenda. Nao nîmakaamenya atî nînie Ngai-Mûnene Ngai wao.”

Ntha 20:2

“Nînie Ngai-Mûnene, Ngai waku ûrîa wakûrutire vûrûri wa Misiri kûrîa warî ûkomborî.

Ntha 20:4

“Ndûkanethondekere mûvuanano, kana mûvuanîre wa kîndû wa kîonthe kîrî îgûrû maturî, kana wa kîndû kîrî gûkû nthî, kana wa kîndû kîrî manjîrî marîa marî rungu rwa nthî.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Isaia 31:7

Nîûndû mûthenya ûcio mue muonthe nîmûgaata mîvuanano ya sîlûva na ya thaavu, îrîa mwîrûthîrîte mue ene na njara cienyu îgatûma mwîvie.

Ezek 14:6

“Kwoguo îra andû a Isiraeli atî, Ngai-Mûnene augîte: Îrireni na mûgarûrûke mûtigane na mîvuanano îo yenyu, na mûtige maûndû marîa macûku mwîkaga.

Ezek 18:15

ke ndarîcaga irio irîa irutîrîtwe mîvuanano ya nyomba ya Isiraeli irîmarî kana amîgooca, ndacûkagia mûka wa mûndû ûrîa mariganîtie nake,

Ezek 18:31

Tecanîriani mevia marîa monthe mûmbîtîrîtie, na mûgîe na ngoro njerû na mwoyo mûcerû. Mue nyomba ya Isiraeli, mûngîkua nîkî?

Ezek 18:6

wana ndarîcaga irio cia magongoona irîa irutîrîtwe mîvuanano ya andû a Isiraeli irîmarî kana amîgooca, kana aveenererie mûka wa mûndû ûrîa mariganîtie nake, kana amenyane kîîmwîrî na mûndûmûka îvinda rîake rîa mweri,

Ezek 20:19

Nie Ngai-Mûnene nî Ngai wenyu, rûmagîrîrani mawatho makwa na mwathîkagîre irîra ciakwa,

Ezek 20:8

Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.

Ezek 23:3

Marî ethî, matûûraga vûrûri wa Misiri. Marî kûu nîmaavûrire ûmaraa, makîvivinywa nyondo ciao na magîtuîka tî erîtu nthingi.

Ezek 23:7

Ohola nîwavûrire ûmaraa na andû onthe a Asîria arîa maarî îgweta, na nîwegwatirie gîko na njîra ya kûvoya mîvuanano ya mûndûmûrûme wa wonthe ûrîa eeriragîria.

Ezek 23:8

Ndaatiganîria ûmaraa ûrîa aambîrîrie arî Misiri rîrîa aarî mwîrîtu mwîthî. Arûme arîa maamamaga nake nîo maamûcûkîrie wîrîtu wake na makîmûtua mûmaraa.

Ezek 34:24

Nanie Ngai-Mûnene nîngaatuîka Ngai wacio, na ndungata yakwa Daudi nîagaatuîka mûnene wacio. Nie Ngai-Mûnene nînie mbugîte ûguo.

Ezek 6:9

Nao andû arîa makaavonoka nîmakaandirikana marî mavûrûrirî mau makethîrwa mathamîrîte. Nîmakaaririkana atî nînie nîmaverithîtie nîûndû wa gûtura wîvokeku kûrî nie na makîndiganîria na makîgucîrîrua nî ngai cia mîvuanano. Nao nîmakemena o ene nîûndû wa maûndû marîa marî mûgiro mekaga.

Alawi 11:44

Nie nînie Ngai-Mûnene, Ngai wenyu na nwanginya mwîkare mûrî atheru nîûndû nîrî mûtheru.

Alawi 17:7

Andû a Isiraeli matikethîrwa matarî evokeku kûrî Ngai-Mûnene rîngî na njîra ya kûragîra nyamû na kûu nja ya mûromo wa îgema marî magongoona ma ngoma ciîkariî ta mbûri. Andû a Isiraeli na njiarwa ciao nîmatûûra marûmagîrîra watho ûyû.

Alawi 18:2

ere andû a Isiraeli atîrî, “Nie nînie Ngai-Mûnene, Ngai wenyu.

Alawi 18:3

Mûtigekage ta ûrîa andû a Misiri, kûrîa mwatûûraga meekaga, kana mwîka ta andû a vûrûri wa Kanaani, kûrîa ngûmûvira. Mûtikarûmîrîre mawatho mao.

Alawi 20:7

Kwoguo îkaragani mûrî atheru, nîûndû Nie nînie Ngai-Mûnene, Ngai wenyu.

Josh 24:14

“Nake Joshua nîwathiîre na mbere kwîra andû a Isiraeli atîrî, “Rîu îtigagîreni Ngai-Mûnene na mûmûtungatagîre mûmwîvokete na ma. Tiganani na ngai irîa methe menyu ma tene maagoocaga marî Mesopotamia na marî Misiri. Tungatagîrani Ngai-Mûnene arî wenga.