Ezek 20:47 - ÎVUKU RÎA ÛVORO MWARO

⁴⁷ Îra Vûrûri wa Negebu ûthikîrîrie ûrîa Ngai-Mûnene augîte. Taroriani, nîngaakia mwaki kûrî we na nîûkaavîvia mîtî yonthe mîruru na mîtî yonthe mîûmû îrîa îrî kûrî we. Mwaki ûcio ndûkaavorua nî kîndû. Andû onthe kuuma mwena wa îveti kûthiî nginya mwena wa rûgûrû nîmakaavîvua nî ûrugarî wa guo.

Ezek 20:47 ပူးပေါင်းရင်းမြစ်များ

Isaia 13:8

Nîmakegua guoya na ruuo, megue ruuo ta rwa mûndûmûka akîgîa mwana. Makaaroranagia wa mûndû amakîtue nî ûrîa wîngî, namo mothiû mao makethîrwa mecûrîtwe nî nthoni.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 66:24

“Makiuma kûu nîmakoonaga ciimba cia andû arîa maareganire nanie; igunyû irîa ikaairîcaga itigaakucaga, na mwaki ûrîa ûkaaivîvagia ndûkaavorekagia, na ciimba icio ikoonekaga irî na magigi nî andû onthe.”

Jeremia 17:27

Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Jeremia 21:14

Nîngamûverithia kûringana na ciîko cienyu, nîngagwatia mûtitû wenyu mwaki, na ûvîvie kîndû kîonthe kîrîa kîûthiûrûrûkîrîtie. Ûguo nîguo nie Ngai-Mûnene nîrauga.”

Ezek 16:35

We îraa rîrî, rîu thikîrîria ciugo cia Ngai-Mûnene!

Ezek 17:24

Nayo mîtî yonthe kûu vûrûrirî nîkaamenya atî nie nînie Ngai-Mûnene. Nîmvotaga gûtûma mîtî îrîa mîraca îtuîke mîkuvî na mîtî îrîa mîkuvî îtuîke mîraca. Nînyûmagia mîtî îrîa mîthî na îrîa mîûmû ngatûma îtuîke mîthî. Nie Ngai-Mûnene nînie mbugîte ûguo, na nîngeka guo.”

Ezek 19:14

Mwaki umîte gîtinarî Kîam mûthavibu, ûkathiî ûkavîvia mvûa ciaguo na matunda ma guo, nîguo gûtikethîrwe kûrî na gîtina kîrî na vinya, na gûtarî na mûragi wa wathani. Rûrû nî rwîmbo rwa macakaya, na rûvûthagîrwa rûrî rwa macakaya.

Ezek 21:10

Rûnooretwe rwa kûragana; rûthûîtwe nîguo rûvenagie ta rûveni! Kûrî na ûndû wa gûkenerera? Andû akwa nîmanyararîte rûthanju Rwa kûverithia mûvîcîwa.

Ezek 21:32

Mûgatuîka ngû cia mwaki, nayo nthakame yenyu îgetîka kûu vûrûrirî ûcio, na mûtigacoka kûririkanwa rîngî.” Nînie Ngai-Mûnene nauga ûguo.

Ezek 24:5

Oca nyama cia ng'ondu îrîa mbaro, îkîra ngû rungu rwa thuvuria; itherûkie waro, therûkia nginya mavîndî. ”

Luka 23:31

Nîûndû angîthîrwa andû nîmareka maûndû ta mama vîndî îrîa mûtî ûrî mwîthî, gûgeekara atîa mûtî waûma?”

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.