Ezek 20:34 - ÎVUKU RÎA ÛVORO MWARO

³⁴ Nîngaamûruta kuuma kûrî ndûrîrî nîmûcokanîrîrie vamwe kuuma mavûrûrirî marîa mûnyaganîrîtie na nîngaamwonia vinya wakwa na ûvoti wakwa.

Ezek 20:34 ပူးပေါင်းရင်းမြစ်များ

Thaburi 107:3

na akamacokia kuuma mavûrûrirî mageni, kuuma mwena wa îrathîro na kuuma mwena wa îthûîro, kuuma mwena wa rûgûrû na kuuma mwena wa îveti.

Isaia 31:3

Andû a Misiri nî andû tu, na tîo Ngai; nacio mbarathi ciao nî nyama tu, na tî maroho. Rîrîa Ngai-Mûnene agaatambûrûkia njara yake, mûtethania wana mûtethua, gûtirî ûtakaagwa, na onthe makaathira vamwe.

Jeremia 31:8

Taroria nîngamareta kuuma vûrûri wa mwena wa rûgûrû na nîmacokanîrîrie kuuma mîthiia yonthe ya nthî. Magaacoka marî gîkundi kînene, gatagatîrî kao kûrî ndumumu cionje na ithua, aka arîa marî na mavu na arîa marî vakuvî gûciara.

Jeremia 32:37

nîngaûngania andû onthe kuuma mavûrûrirî monthe kûrîa namanyaganirie nîûndû wa marakara na mang'ûrîka makwa. Nîngamacokia gûkû na ndûme matûûre kuo marî agitîre.

Jeremia 42:18

“Ngai-Mûnene mwene vinya wonthe, Ngai wa Isiraeli arauga atî: wata ûrîa marakara na mang'ûrîka makwa makinyîre andû arîa matûûraga Jerusalemu, nwa ta guo marakara makwa makamûkinyîra, ethîrwa nîmûkûthiî Misiri. Mûgaatuîka ta kîndû gîa kûmenwa, kîndû gîa kûmakania, kîrumi, na gîconoko. Mûtikona gûkû tûrî rîngî.”

Jeremia 44:6

Kwoguo nînakanirwe mûno nî marakara na mang'ûrîka na ngîmetûrûra matûûrarî ma Juda na njîrarî cia Jerusalemu. Nakuo gwatuîkire maganjo, kûndû gûtatûûragwa nî andû nginya ûmûnthî.

Maca 2:4

Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.

Ezek 11:17

“Kwoguo meere Ngai-Mûnene augîte nîngaamaûngania nîmarute mavûrûrirî marîa naamanyaganîrie, na nîngaamacokia vûrûrirî wa Isiraeli.

Ezek 20:38

Andû arîa aremi na arîa mevagia nîngaamaruta gatagatî kenyu. Nîngaamaruta kuuma vûrûrirî ûrîa matûûraga, nwatî ndigetîkîra matonya vûrûrirî wa andû a Isiraeli. Nîmûgaacoka mûmenye atî nie nînie Ngai-Mûnene.

Ezek 34:16

“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”