Ezek 20:30 - ÎVUKU RÎA ÛVORO MWARO

³⁰ Rîu aria na andû a Isiraeli ûmere Ngai-Mûnene arauga atîrî: Nîmwîcûkangia na njîra ta îrîa methe menyu mecûkangirie nayo na mûkagooce mîvuanano?

Ezek 20:30 ပူးပေါင်းရင်းမြစ်များ

2Maû 30:7

Mûtigatuîke ta methe menyu na andû enyu arîa mataarî evokeku kûrî Ngai-Mûnene, Ngai wa methe mao, ûrîa wamaverithirie mûno ta ûrîa mûrona.

Thaburi 106:39

Ûguo nîguo maatuîkire andû matarî atheru, na magîtuîka andû matarî evokeku kûrî Ngai nîûndû wa ciîko ciao.

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Jeremia 9:14

Nwatî nîmaûmîtie ciongo na makarûmîrîra wendi wa ngoro ciao na makagooca mîvuanano ya Baali wata ûrîa maathomithirue nî methe mao.

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 20:29

Nanie nînacokire ngîmaûria, ‘Vandû vau vatûgîru mûthiîcaga nî va?’ Kwoguo vandû vau vetagwa Bama nginya ûmûnthî.

Ndari 32:14

Namue rûciaro rwa evia, nîmûkinyîte varîa methe menyu maarî, mûgatûma marakara ma Ngai-Mûnene kûrî Aisiraeli mongerereke!

Mathaayo 23:32

Thiîni mbere vi na mûrîkie wîra ûrîa wambîrîrue nî methe menyu!

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Atir 2:19

Nwatî rîrîa mûtongoria akua, andû nîmaacokaga gwîka maûndû macûku wana gûkîra marîa methe ma tene meekaga. Nîmaatungatagîra ngai cia mîvuanano na makenamagîrîria mothiû mao mbere yacio makîigoocaga. Nîmaathiîcaga na mbere gwîka maûndû macûku na matiatiganîria mîtugo yao mîcûku.