Ezek 20:3 - ÎVUKU RÎA ÛVORO MWARO

³ “Mûndû, arîria athuuri a Isiraeli ûmeere Ngai-Mûnene aramaûria kana nîkwa maûkîte gûtuîria wendi wakwa? Na ma wata ûrîa Nie Ngai ndûûraga mwoyo, wendi wakwa ndûgûtuîrua nî mue.

Ezek 20:3 ပူးပေါင်းရင်းမြစ်များ

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Nthi 21:27

Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.

Nthi 28:9

Mûndû ûrîa ûregaga kwathîkîra watho, Ngai ndakenagua nî mavoya make.

Isaia 1:12

Rîrîa mûgûka kûngooca nû wamwîrire mûkage na matega mau, mûgîkinyangaga ivaaro cia hekarû yakwa?

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 58:2

Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Ezek 14:1

Vîndî îmwe atongoria a Isiraeli nîmaaûkire kûrî nie kûria ûtaaro.

Ezek 20:2

Ngai-Mûnene nîwambîrire atîrî,

Ezek 20:31

Rîrîa mûkûruta iveo cienyu na mûkaruta ciana cienyu irî magongoona ma kûvîvua, nîmwîgwatagia gîko mue ene na mîvuanano yenyu yonthe nginya ûmûnthî. Mue andû a Isiraeli, nwa mûrie ûndû kuuma kûrî Nie? Ngai-Mûnene augîte atî wata ûrîa ke atûûraga mwoyo, ndangîtîkîra mûmûrie ûndû.

Ezek 33:30

Ngai-Mûnene nîwambîrire atîrî, “Mûndû, andû enyu maranagîria o ene ûvoro ûkwîgiî rîrîa mekarîte ngitorî na mîromorî ya nyomba ciao makiugaga: ‘Tûthiîni tûkegue ûvoro ûrîa ûkîte kuuma kûrî Ngai-Mûnene.’

Amosi 8:12

Andû nîmakaathiûrûrûka kuuma îria rîmwe kûthiî rîrîa rîngî, na kuuma rûgûrû kûthiî îrathîro. Nîmakavinyûra ava na vaarîa magîcaria kiugo Kîam Ngai, nwatî matigakîona.

Mika 3:7

Arîa marathaga maûndû nîmagaconorithua, na andû arîa monaga maûndû makanyararagwa, onthe nîmagaakunîka tûnyua twao, nîûndû Ngai ndakamacokeria wanarî ûndû.

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.

Luka 3:7

Andû eengî nîmaathiîre kûrî Johana nîguo amavatithie. Nake nîwameraga atîrî, “Mue ciana ino cia njoka! Nû ûmwîrîte atî nwa mûvote kûûrîra marakara ma Ngai marîa mageere gûka?

Johana 4:24

Ngai nî Roho, na arîa mamûgoocaga mamûgoocage na Roho na ûûma.”

1Sam 28:6

Kwoguo nîwaûririe ûtaaro kuuma kûrî Ngai-Mûnene, nwatî ndaamûcokeria wanarî vanini na njîra ya iroto kana na njîra ya Urimu na Thumimu kana na njîra ya arathi.