Ezek 20:24 - ÎVUKU RÎA ÛVORO MWARO

²⁴ Nekire ûguo nîûndû nîmaaregire kûvingia matuîro makwa ma ciira, na nîmaaregire irîra cia watho wakwa na makîrega kûva thavatû ciakwa gîtîîo. Nîmeerirîrie kûgooca mîvuanano îrîa methe mao maagoocaga.

Ezek 20:24 ပူးပေါင်းရင်းမြစ်များ

Jeremia 2:7

Nînamûretire vûrûrirî mûnoru, mûkenerere matunda ma guo, na maûndû mengî maro ma guo. Nwatî mwakinya kuo, nîmwaûgwatirie gîko, na mûkîgwatia vûrûri ûrîa namûveere mûgiro.

Ezek 18:12

Ke nîavinyagîrîria andû arîa athîni na arîa mavatarîte, nî mûcunani, ndarîvaga kîndû kîrîa meranîrîte atî nîakaarîva, nî avoyaga mîvuanano, na nîekaga maûndû marî mûgiro,

Ezek 18:15

ke ndarîcaga irio irîa irutîrîtwe mîvuanano ya nyomba ya Isiraeli irîmarî kana amîgooca, ndacûkagia mûka wa mûndû ûrîa mariganîtie nake,

Ezek 18:6

wana ndarîcaga irio cia magongoona irîa irutîrîtwe mîvuanano ya andû a Isiraeli irîmarî kana amîgooca, kana aveenererie mûka wa mûndû ûrîa mariganîtie nake, kana amenyane kîîmwîrî na mûndûmûka îvinda rîake rîa mweri,

Ezek 20:13

Nwatî andû a Isiraeli nîmaareganire nanie marî werûrî. Matiarûmîrîra irîra ciakwa nwatî nîmaaregire mawatho makwa, marîa mûndû angîmarûmîrîra mangîtûma atûûre mwoyo, na makîrega kûva thavatû ciakwa gîtîîo. Nînacokire ngîciria nîmetûrûrîre marakara nîmathirie viû marî werûrî.

Ezek 20:16

nîûndû nîmaaregire mawatho makwa na makîrega kûrûmîrîra irîra ciakwa. Ngoro ciao cierirîrie kûgooca mîvuanano na makîrega kûva thavatû ciakwa gîtîîo.

Ezek 23:38

Na twa ûguo wonga, mûthenya wa ûcio nîmaagwatirie vandû vakwa varîa vatheru mûgiro na nîmaaregire gûtîîa thavatû ciakwa.

Ezek 6:9

Nao andû arîa makaavonoka nîmakaandirikana marî mavûrûrirî mau makethîrwa mathamîrîte. Nîmakaaririkana atî nînie nîmaverithîtie nîûndû wa gûtura wîvokeku kûrî nie na makîndiganîria na makîgucîrîrua nî ngai cia mîvuanano. Nao nîmakemena o ene nîûndû wa maûndû marîa marî mûgiro mekaga.

Amosi 2:4

Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.