Ezek 20:20 - ÎVUKU RÎA ÛVORO MWARO

²⁰ na mûvecage thavatû ciakwa gîtîîo nîguo ituîkage kîmenyithia gatagatî gakwa namue, atî Nie Ngai-Mûnene nî Ngai wenyu.

Ezek 20:20 ပူးပေါင်းရင်းမြစ်များ

Ntha 20:11

Nîûndû Nie Ngai-Mûnene naaûmbire îgûrû, nthî, na îria wana indo cionthe irîa irî kuo na mîthenya îtandatû, na mûthenya wa mûgwanja ngîvurûka. Kwoguo Nie Ngai-Mûnene nînaarathimire mûthenya wa thavatû na ngîûtua mûtheru.

Ntha 20:8

“Menyagîrîra mûthenya wa thavatû na ûwamûrage.

Isaia 56:2

Gûkena nî mûndû ûrîa ûrûmagîrîra na kinyi maûndû marîa mbugaga, ûrîa wîkaraga amenyererete mûthenya wa thavatû atakûûthûkia, na atagwîka wanarî ûndû mûcûku.”

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Jeremia 17:22

Na mûtigakuue mûrigo kuuma nyombarî cienyu mûthenya wa thavatû, kana mûrute wîra wanarî ûrîkû. Kûngûagîrani mûthenya ûcio na mûwamûrage, wata ûrîa nie Ngai-Mûnene naathire methe menyu.

Jeremia 17:24

Ngai-Mûnene arauga atîrî, “Mûngînthikîrîria na mûrege gûkuua kîndû mûthenya wa thavatû mûkîvîtûkîrie ivingorî cia îtûûra rîa Jerusalemu, nwatî mûririkanage mûthenya wa thavatû mûwamûrage na mûtikarute wîra mûthenya ûcio,

Jeremia 17:27

Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Ezek 20:12

Makîria ma ûguo, nînaamavere mîthenya yakwa ya thavatû îtuîke kîmenyithia gatagatî gakwa nao nîguo mamenye atî nie Ngai-Mûnene nînie nîmatheragia.

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 22:8

Nîmûnyararîte indo ciakwa irîa ntheru na mûkarega gûtîîa thavatû ciakwa.

Ezek 44:24

Kûngîgîa na ngucanio magatuithanagia ciira kûringana na watho wakwa ûrîa ûgîte. Makaarûmagîrîra mawatho ma mîthenya îrîa mîamûre kûringana na mawatho na irîra ciakwa, na mamenyagîrîre thavatû ciakwa ciîthagîrwe irî ntheru.