Ezek 20:17 - ÎVUKU RÎA ÛVORO MWARO

¹⁷ “Kûnarî ûguo nînaameguîrîre ntha na ndiamacûkangia kana nîmathiria marî werûrî.

Ezek 20:17 ပူးပေါင်းရင်းမြစ်များ

Nehemia 9:19

Nwatî ndwamatiganîria kûu werûrî, nîûndû ntha ciaku nî nyîngî. Îtu rîrîa rîamatongoragia mûthenya rîtîamathengutîra, na ndwamathengutîria mwaki kuuma îtuurî ûrîa wamamûrîkagîra njîra ûtukû.

Jeremia 4:27

Ngai-Mûnene arauga atîrî, “Vûrûri wonthe ûgaatuîka ta werû, nwatî ndigaûcûkangia viû.

Jeremia 5:18

“Nwatî wana mîthenyarî îo, nie Ngai-Mûnene ndikamûcûkangia mûthire.

Ezek 11:13

Rîrîa naarathaga, Pelatia mûvîcî wa Benaia nîwakwire. Nînaacokire ngîturumithia ûthiû wakwa nthî na ngîrîra na mûgambo mûnene ngiugaga atîrî, “Ûûi Ngai-Mûnene! Nîkwa ûkûthiria andû onthe a Isiraeli?”

Ezek 20:22

Nwatî nînathunithirie njara yakwa ndigeke guo nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.

Ezek 7:2

“We mûndû, îra andû a Isiraeli atî nie Ngai-Mûnene mbugîte ûyû nî mûthiia! Ûyû nî mûthiia wa vûrûri wonthe!

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

1Sam 24:10

Taroria, ûmûnthî we nîweyonera ûrîa Ngai-Mûnene arakûnenganîrîte kûrî nie kûu ngurungarî? Andû amwe akwa nîmambîraga ngûrage, nwatî nîngwîguîrîre ntha na nauga atî, ndingîgwîka ûûru wanarî vanini nîûndû Ngai-Mûnene nîakûthuurîte ûtuîke mûthamaki.