Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezek 20:13 - ÎVUKU RÎA ÛVORO MWARO

13 Nwatî andû a Isiraeli nîmaareganire nanie marî werûrî. Matiarûmîrîra irîra ciakwa nwatî nîmaaregire mawatho makwa, marîa mûndû angîmarûmîrîra mangîtûma atûûre mwoyo, na makîrega kûva thavatû ciakwa gîtîîo. Nînacokire ngîciria nîmetûrûrîre marakara nîmathirie viû marî werûrî.

အခန်းကိုကြည့်ပါ။ ကော်ပီ




Ezek 20:13
43 ပူးပေါင်းရင်းမြစ်များ  

Rîu nîndûî gîtûmîte ûkararie watho wa Ngai-Mûnene? Nîndûî gîtûmîte wîke ûndû ûyû mûcûku ûguo? Watûmire Uria aûragîrwe mbaararî nî Aamoni na ûgîcoka ûgîoca mûndûmûka wake!


Mûtigatuîke ta methe menyu na andû enyu arîa mataarî evokeku kûrî Ngai-Mûnene, Ngai wa methe mao, ûrîa wamaverithirie mûno ta ûrîa mûrona.


Nînacokire ngîkararania na atongoria a Juda na ngîmeera atîrî, “Taroria maûndû marîa macûku mûreka! Mue nîmûratûma thavatû îthîrwe îtarî ntheru.


Kwoguo rîu tigana nanie. Nîrî mûrakaru nîo, na nîngûmathiria. Nwatî we vamwe na njiarwa ciaku nîngaamûtua rûrîrî rûnene.”


Nîmagarûrûkîte na magatiga njîra îrîa namaathire marûmagîrîre. Nîmeerûthîrîte o ene mûvuanano wa njaû ya ndegwa ya thaavu ya kûrarûrwa na nîmaramîgooca makîmîrutagîra îgongoona, makiugaga atî îo nî ngai îrîa yamarutire vûrûri wa Misiri.


Mue nîmûregete ûtaaro wakwa wonthe, na nîmûregete gwîtîkîra ngîmûkaania.


Mûndû ûrîa wîraga mataaro ecaragîria thîna ke mwene, nwatî mûndû ûrîa ûtîîaga maathani ma Ngai nîavecagwa kîveo.


“Nao andû ageni arîa megiritanîtie na andû akwa nie Ngai-Mûnene, arîa mamendete, mandungatagîra, arîa mamenyagîrîra thavatû matakûmîcûkia na marûmagîrîra kîrîkanîro gîakwa na kinyi marî na wîvokeku,


Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.


Nwatî matiambathîkîra kana manthikîrîria. Vandû va ûguo, marûmîrîre meciria na ûremi wa ngoro ciao, na magîcoka na vuva vandû va kûthiî na mbere.


Nînaamavere irîra ciakwa na ngîmamenyithia mawatho makwa nîguo mûndû amarûmîrîra atûûre mwoyo.


Nwatî nînekire ûndû wîngî nîguo rîîtwa rîakwa rîtikanyararwe nî ndûrîrî irîa cionire ngîmaruta Misiri.


nîûndû nîmaaregire mawatho makwa na makîrega kûrûmîrîra irîra ciakwa. Ngoro ciao cierirîrie kûgooca mîvuanano na makîrega kûva thavatû ciakwa gîtîîo.


“Nwatî njiarwa ciao nîciatuîkire aremi na ikîregana nanie. Matiarûmîrîra irîra ciakwa na matiathîkîra mawatho makwa marîa mûndû amarûmîrîra matûmaga atûûra mwoyo. Nîmaaregire kûva thavatû ciakwa gîtîîo. Nînacokire ngîciria nîmetûrûrîre mang'ûrîka makwa nîguo nthirie marakara makwa kûrî o marî werûrî.


Nekire ûguo nîûndû nîmaaregire kûvingia matuîro makwa ma ciira, na nîmaaregire irîra cia watho wakwa na makîrega kûva thavatû ciakwa gîtîîo. Nîmeerirîrie kûgooca mîvuanano îrîa methe mao maagoocaga.


Ngai-Mûnene augîte atî wata ûrîa aatuîrîre methe menyu marî werûrî wa Sinai nwaguo wana mue akaamûtuîrîra.


Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.


Nîmûnyararîte indo ciakwa irîa ntheru na mûkarega gûtîîa thavatû ciakwa.


Na twa ûguo wonga, mûthenya wa ûcio nîmaagwatirie vandû vakwa varîa vatheru mûgiro na nîmaaregire gûtîîa thavatû ciakwa.


Rûmagîrîrani maûndû na mawatho marîa ngûmûva; mûndû ûrîa ûgeeka ûguo nîakaavonokia mwoyo wake. Nie nînie Ngai-Mûnene, Ngai wenyu.


mwarega kûvingia maathani makwa na irîra ciakwa na mûrege kûvingia kîrîkanîro kîrîa naarûthire namue,


Nwatî mbere, andû nî makaauma vûrûrirî ûcio, naguo nîûkaavurûka na ûkûngûîre thavatû cia guo, na nwanginya makaaverithua nîûndû wa mevia mao ma kûregana na mawatho na irîra ciakwa.


Ngai mûnene arauga atîrî, “Andû a Juda matûûraga mevagia, kwoguo ndigaatiga kûmaverithia. Nîmareganîte na watho wa Ngai-Mûnene, na marega kwathîkîra mawatho make. Nîmavîtithîtue nî ngai irîa methe mao maagoocaga.


gûtirî wanarî ûmwe wa andû aya ûgaatonya vûrûri ûcio wa kîîranîro. O nîmonete riiri wakwa na ciama irîa naaringire marî Misiri na marî gûkû werûrî, nwatî nîmaregete kûmbathîkîra na makangeria maita îkûmi.


Nîmûgaakua na ciimba cienyu inyagarûke gûkû werûrî. Gûtirî mûndû wanarî ûmwe gatagatîrî ka acio maatarîtwe na warî na ûkûrû wa mîaka mîrongo îîrî na makîria, ûgaatonya vûrûri wa kîîranîro, nîûndû nîmaandetirie.


“Thengutîra andû aya a Isiraeli nîguo nîmathirie wa rîu!” Nao oîrî nîmaaturumithirie mothiû mao nthî,


Andû acio a Isakaru maarî arûme ngiri mîrongo îtandatû na inya, na magana mathatû (64,300).


Musa nîwandîkire ûvoro wîgiî ûrîa mûndû atuîkaga mûthingu na njîra ya kwathîkîra watho na akiuga atîrî: “Mûndû wa wonthe wathîkagîra watho nî agaatûûra mwoyo.”


Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.


“Mûtikariganîrwe nî ûrîa mwatûmire Ngai-Mûnene Ngai wenyu arakare mûrî werûrî. Kuuma mûthenya ûrîa mwaumire Misiri nginya mûthenya ûrîa mwakinyire gûkû, mwîthîrîtwe mûkîregana na Ngai-Mûnene.


Wana tûrî kîrîmarî gîa Sinai, nîmwatûmire Ngai-Mûnene anyitwe nî marakara mangîatûmire amûthirie.


Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.


Ciîko irîa o matûîre mambîkaga kuuma mûthenya ûrîa naamatongoririe na ngîmaruta Misiri nwacio wanawe magûgwîka. O nîmaandiganîrie na makîambîrîria gûtungatîra ngai ciîngî.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ