Ezek 2:4 - ÎVUKU RÎA ÛVORO MWARO

⁴ Andû acio nî aremi na nî aûmû ngoro. Kwoguo nîngûgûtûma ûthiî ûkamere ûrîa nie Ngai-Mûnene ngûmera.

Ezek 2:4 ပူးပေါင်းရင်းမြစ်များ

1Atha 22:14

Nwatî Mikaia nîwaugire atîrî, “Nevîta na Ngai-Mûnene ûrîa ûtûûraga mwoyo atî nie nîmbuga ûrîa Ngai-Mûnene akûmbîra mbuge!”

2Maû 30:8

Mûtigatuîke aremi ta ûrîa methe menyu mekariî. Nwatî athîkîrani Ngai-Mûnene na mûke hekarûrî vandû varîa amûrîte vatûûre varî vatheru tene na tene. Tungatagîrani Ngai-Mûnene, Ngai wenyu nîguo ndakarakare nîmue rîngî.

2Maû 36:13

Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

Thaburi 95:8

“Mûtikaûmie ngoro cienyu ta ûrîa methe menyu meekire marî Meriba, mûthenya ûrîa maarî Masa werûrî.

Nthi 21:29

Mûndû mwaganu onanagia ûrîa aicî maûndû, nwatî mûndû mûthingu ekaga ûndû ambîte gwîciiria.

Isaia 48:4

Nîûndû nînamenyaga atî we wî mûremi mûno, na kîongo gîaku kîûmîte ta cuuma, naguo ûthiû waku ûgekara ta gîcango.

Jeremia 1:7

Nwatî Ngai-Mûnene nîwambîrire atîrî, “Ndûkauge atî wî mûndû mwîthî; nwanginya ûthiî kûrî andû arîa ngûgûtûma kûrî o, na ûmeere ûrîa wonthe ngûkwatha.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Jeremia 36:21

Mûthamaki nîwacokire agîtûma Jehudi akagîre îvuku rîu rîa gîkûnjo. Jehudi nîwarîgîrire oficirî kwa Elishama na akîrîthomera mûthamaki na atongoria onthe arîa maamûrigicîrîtie.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Jeremia 6:15

O nîmaaconokire rîrîa mekire maûndû marîa marî magigi? Narî matiaconoka wanarî vanini, na mationa ûndû ûngîtûma megua nthoni. Kwoguo makaagwa ta ûrîa arîa engî magûcaga, vîndî îrîa ngamaverithia, ûcio ûkethîrwa ûrî mûthiia wao. Ûguo nîguo nie Ngai-Mûnene nauga.”

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Ezek 3:11

Thiî rîu kûrî andû enyu arîa marî îthamîriorî na ûmere ûrîa nie Ngai-Mûnene mbugîte, wana ethîrwa magakûthikîrîria kana tî makûthikîrîria.”

Ezek 3:27

Nwatî rîrîa ngakwarîria, nîngakûvingûra kanyua na nîûkamera ûrîa nie Ngai-Mûnene mbugîte. Amwe nîmagaakûthikîrîria, nwatî amwe matigakûthikîrîria nîûndû nî andû aremi.”

Ezek 3:4

Ngai nîwacokire akîmbîra atîrî, “We mûndû, thiî kûrî nyomba ya Isiraeli na ûmere maûndû marîa ngakwîra.

Ezek 3:7

Nwatî andû a Isiraeli matigakûthikîrîria, nîûndû matirenda kûnthikîrîria. Andû onthe a Isiraeli marî ngoro nyûmû na nî aremi.

Amosi 7:15

Ngai-Mûnene nîwandutire wîrarî wakwa wa kûrîthia akîmbîra mbûke ndathîre andû ake a Isiraeli.

Zakaria 7:12

Nîmaaûmirie ngoro ciao ta mathiga, kwoguo matingîathîkîra watho kana ndûmîrîri îrîa nie Ngai-Mûnene nwene vinya wonthe naamatûmîre na njîra ya arathi arîa maarî kuo mbere. Kwoguo nie Ngai-Mûnene mwene vinya wonthe nînaarakarire nîo.

Mathaayo 10:16

“Tathikîrîriani, namûtûma ta ng'ondu gatagatîrî ga ciathi. Kwoguo, gîani na ûûgî ta njoka na mwîthîrwe mûrî avoreri ta ndutuura.

Gûco 10:16

Kwoguo kuuma rîu theriani ngoro cienyu mwîyamûrîre Ngai-Mûnene na mûtigatuîke aremi rîngî.

Gûco 31:27

Nîmbicî ûrîa mûmîtie ciongo na mûrî aremi. Ûtûrorî wakwa wonthe namue, mwîthîrîtwe mûkîregana na Ngai-Mûnene na nîmbicî wana nakua, nwa mûkûthiî na mbere na kûmia ciongo makîria.