Ezek 19:3 - ÎVUKU RÎA ÛVORO MWARO

³ Nîwarerire kaana kamwe gake na agîkaruta kûvîta, na nîgaacokire kûrîa andû.

Ezek 19:3 ပူးပေါင်းရင်းမြစ်များ

2Atha 23:34

Mûthamaki Neko nîwathuurire Eliakimu mûvîcî wa mûthamaki Josia na akîmûtua mûthamaki îthenyarî rîa îthe Josia. Nîwacokire agîcenjia rîîtwa rîa Eliakimu na akîmwîta Jehoiakimu. Nwatî nîwacokire akîvira Jehoahazi Misiri kûrîa aakuîrîre.

Ezek 19:2

ngiugaga atîrî, Nyûkwe aarî û? Aarî mûnyambû wa nga. Eekaraga gatagatîrî ka mînyambû îo îngî akîrera ciana ciake.

Ezek 19:4

Mavûrûri nîmegwire ûvoro wakîo na makiuga mbu, na nîgaategirwe vandû îrimarî. Nîkaarutirwe îrimarî rîu kovetwe na icûvî gakîvirwa Misiri.

Ezek 19:6

Kaaûrûraga vamwe na mînyambû îo îngî, na nîgaatuîkire mûnyambû mwîthî. Nîkaamenyire kûvîta nîguo kone gîa kûrîa gagîcoka kûrîa andû.

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Ezek 32:2

“Mûndû, ina rwîmbo rwa macakaya nîûndû wa mûthamaki wa Misiri na ûmwîre: We mûthamaki wa Misiri wîtucaga ta mûnyambû gatagatî ka ndûrîrî, nwatî we wîkariî ta njûnamatu îrî manjîrî. Umagîra manjîrî na vinya na ûkaunjuga manjî na magûrû maku na ûgacûkia nyûnjî.

Zakaria 11:3

Tathikîrîriani kîrîro Kîam arîthi, nîûndû riiri wao nîmûthiru! Tathikîrîriani mûraramo wa mînyambû, nîûndû mîtitû îrîa îrî rûtere rwa rûnjî rwa Jorodani nîmîanangîku!

Gûco 33:22

Ûvoro wîgiî mûvîrîga wa Dani nîwaugire atîrî, “Mûvîrîga wa Dani wîkariî ta kaana ka mûnyambû; ûtharîkagîra nthû ciao kuuma Bashani.”