Ezek 19:14 - ÎVUKU RÎA ÛVORO MWARO

¹⁴ Mwaki umîte gîtinarî Kîam mûthavibu, ûkathiî ûkavîvia mvûa ciaguo na matunda ma guo, nîguo gûtikethîrwe kûrî na gîtina kîrî na vinya, na gûtarî na mûragi wa wathani. Rûrû nî rwîmbo rwa macakaya, na rûvûthagîrwa rûrî rwa macakaya.

Ezek 19:14 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

2Atha 24:20

Ngai-Mûnene nîwarakarirue mûno nî andû a Jerusalemu na a Juda nginya akîmengata. Zedekia nîwareganire na mûthamaki wa Babuloni.

2Maû 36:13

Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

Nehemia 9:37

Ûtonga wa vûrûri ûyû ûthiîcaga kûrî athamaki arîa waigire matwathage, nîûndû tue nîtwevirie matwîkaga wa ûrîa makwenda vamwe na ndîthia cietû. Tûrî na thîna nyîngî mûno!”

Thaburi 110:2

Ngai-Mûnene nîagaatûma ûthamaki waku ûneneve kuuma Zayuni. Augîte atîrî, “Ûkaathanaga ûrî gatagatî ka nthû ciaku.”

Thaburi 79:7

Nîûndû nîmaûragîte Jakovu, andû aku; na nîmacûkangîtie vûrûri waku viû.

Jeremia 38:23

“Aka aku wana avîcî aku nîmakaavirwa gwa Akalidei, na we mwene ndûkavonoka ume njararî ciao, nwatî nîûkanyitwa nî mûthamaki wa Babuloni na îtûûra rîîrî rîvîvue na mwaki.”

Jeremia 52:3

Nake Ngai-Mûnene nîwarakarire mûno nîûndû wa andû a Jerusalemu na a Juda nginya akîmengata maume vakuvî nake. Nake Zedekia nîwareganire na Nebukadinezarû, mûthamaki wa Babuloni.

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Ezek 15:4

Vandû va ûguo, nîwikagua mwakirî nîguo mwaki wakane mûno. Rûngîvîa mîena yonthe rûkîrûngûra, nwa ûthondeke kîndû kuumana naguo?

Ezek 17:10

Mûtî ûcio nîmûvande, nwatî nîûgaakûra? Rîrîa rûkûngi rûrîa rumaga na mwena wa îrathîro rûkaavurutana na rûwîthîrîrie, kinthî tî kûma ûkaaûma? Ûkaaûma ûrî wa vau ûvandîtwe.”

Ezek 19:1

Ngai-Mûnene nîwambîrire mine rwîmbo rwa macakaya nîûndû wa atongoria a Isiraeli

Ezek 19:11

Itina cia yo irîa ciarî na vinya mûno, nîciatuîkire mîragi ya wathani. Nîwarûngamire ûkîoneka ûrî mûraca mûno na îgûrû, ûrî na mvûa nyîngî.

Ezek 20:47

Îra Vûrûri wa Negebu ûthikîrîrie ûrîa Ngai-Mûnene augîte. Taroriani, nîngaakia mwaki kûrî we na nîûkaavîvia mîtî yonthe mîruru na mîtî yonthe mîûmû îrîa îrî kûrî we. Mwaki ûcio ndûkaavorua nî kîndû. Andû onthe kuuma mwena wa îveti kûthiî nginya mwena wa rûgûrû nîmakaavîvua nî ûrugarî wa guo.

Ezek 20:48

Andû onthe nîmakoona atî nie Ngai-Mûnene, nînie nîwakîtie na ndûkaavorua nî mûndû.”

Ezek 26:17

Nao nîmakaaina rwîmbo rwa macakaya nîûndû waku makiugaga atîrî, “We îtûûra rîrarî ngumo, ûrî mûcûkangie, meri ciarîo nîmbûrîru îriarî. Andû a îtûûra rîrî nîo maarî vinya îriarî. Andû onthe arîa matûûraga rûtere rwa îria nîmaagwîtigîrîte.

Hosea 10:3

Vîndî îo andû acio nîmakaauga atîrî: “Tûtirî na mûthamaki, nîûndû tûtiîtigagîra Ngai-Mûnene; nake mûthamaki agatwîkîra atîa?”

Hosea 3:4

Ûguo nwa ta guo andû a Isiraeli magatûûra îvinda îraca matarî na athamaki kana atongoria; matakûruta magongoona, itugî cia mathiga cia kûvoera, na matarî na efodi kana terafimu.

Amosi 9:11

Mûthenya ûcio nîngaarûngamia ûthamaki wa Daudi ûrîa wagwîre. Nîngaatuma rîngî nthingo ciaguo irîa ciarî nyomomoku, ciîkare ta ûrîa ciekariî mbere.

Luka 19:41

Rîrîa Jesû aakuvîrîrie îtûûra rîa Jerusalemu na akîrîona, nîwarîrire nîûndû warîo

Johana 19:15

Nao Ayahudi nîmaaugîrîrie atîrî, “Mûrage! Mûrage! Mwambithie mûtharavarî!” Pilato nîwamaûririe atîrî, “Nîkwa mûrenda nyambithie mûthamaki wenyu mûtharavarî?” Nao anene a athînjîri-Ngai nîmaamûcokerie atîrî, “Tue tûtirî mûthamaki wîngî tiga mûthamaki wa Roma!”

Atir 9:15

Naguo mûtare wa kîthakarî nîwerire mîtî îo îngî atîrî, ‘Ethîrwa nîmûkwenda nduîke mûthamaki wenyu, ûkani mwîkare kîrururî gîakwa na ethîrwa tî mwîka ûguo, mwaki ûrouma mûtarerî ûyû wa kîthaka na ûvîvie mîtarakwe ya Lebanoni viû.’ ”