Ezek 19:12 - ÎVUKU RÎA ÛVORO MWARO

¹² Nwatî mûtî ûcio wa mûthavibu nîwakûûrirwe na marakara, ûgikua ûkîgwîthua nthî. Rûkûngi rûrîa rumaga na mwena wa îrathîro, nîrwaûmirie mûtî ûcio viû, na matunda ma guo nîmeetîkire na makîvova. Itina irîa ciarî na vinya nîciavovire, ikîvîvua na mwaki ikîthira.

Ezek 19:12 ပူးပေါင်းရင်းမြစ်များ

2Atha 23:29

Vîndî wa îo Josia aarî mûthamaki, Neko, mûthamaki wa Misiri nîwathiîre rûnjîrî rwa Farati gûtethereria mûthamaki wa Asîria. Mûthamaki Josia nîwathiîre kûrûa nake; nwatî mûthamaki Neko nîwamûragîre mbaararî kûu Megido.

2Atha 23:34

Mûthamaki Neko nîwathuurire Eliakimu mûvîcî wa mûthamaki Josia na akîmûtua mûthamaki îthenyarî rîa îthe Josia. Nîwacokire agîcenjia rîîtwa rîa Eliakimu na akîmwîta Jehoiakimu. Nwatî nîwacokire akîvira Jehoahazi Misiri kûrîa aakuîrîre.

2Atha 24:6

Kwoguo Jehoiakimu nîwakwire, nake mûvîcî Jehoiakini nîwatuîkire mûthamaki vuva wake.

Thaburi 52:5

Kwoguo Ngai nîatûûra agûcûkangagia tene na tene; nîakûnyita na akûrute gwaku mûciî; nîagaakûruta nthî ya arîa marî mwoyo.

Thaburi 80:16

Nthû itemete mûthavibu ûcio na ikaûvîvia, marorie ûrî na marakara na ûmathirie.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Isaia 27:8

Aaverithirie andû ake na njîra ya kûmavira îthamîriorî. Rîrîa kwarî na rûkûngi rûnene rwa mwena wa îrathîro, nîwamavonokirie kuuma kûrî rûkûngi rûnene.

Jeremia 22:30

Ngai-Mûnene arauga atîrî, “Andîka mûndû ûyû atî ndarî ciana, mûndû ûtakagacîra ûtûûrorî wake, nîûndû gûtirî mûndû wanarî ûmwe wa rûciaro rwake, ûgekarîra gîtî Kîam ûthamaki Kîam Daudi, na athane rîngî vûrûrirî wa Juda.”

Jeremia 31:28

Wata ûrîa nevarîrîtie kûmakûûra, kûmomora, kûmagwîthia, kûmacûkangia na kûmaverithia, nwaguo nîîvarîrîtie kûmavanda na kûmatuma.

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Ezek 15:2

“Mûndû, mûtî wa mûthavibu nî mwaro gûkîra mîtî îrîa îngî ya kîthakarî? Rûvûa rwaguo nî rwaro gûkîra mvûa cia mîtî îo îngî?

Ezek 15:4

Vandû va ûguo, nîwikagua mwakirî nîguo mwaki wakane mûno. Rûngîvîa mîena yonthe rûkîrûngûra, nwa ûthondeke kîndû kuumana naguo?

Ezek 17:10

Mûtî ûcio nîmûvande, nwatî nîûgaakûra? Rîrîa rûkûngi rûrîa rumaga na mwena wa îrathîro rûkaavurutana na rûwîthîrîrie, kinthî tî kûma ûkaaûma? Ûkaaûma ûrî wa vau ûvandîtwe.”

Ezek 19:11

Itina cia yo irîa ciarî na vinya mûno, nîciatuîkire mîragi ya wathani. Nîwarûngamire ûkîoneka ûrî mûraca mûno na îgûrû, ûrî na mvûa nyîngî.

Ezek 28:17

Nîwagîre na mwîtîîo nîûndû wa ûthaka waku, na ûgîcûkia ûûgî waku nîûndû wa riiri waku. Nagwikirie nthî mûtheturî na ngîkwanîka mbere ya athamaki nîguo makwone.

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.

Jona 4:8

Riûa rîarîkia kûratha, Ngai nîwatûmire rûkûngi rûviû kuuma mwena wa îrathîro, na Jona nîwavîvirue kîongo mûno nî ûrugarî wa riûa nginya akîenda kûgirîka. Kwoguo nîwerirîrie gûkua na nîwaugire atîrî, “Nîkava ngue gûkîra ndûûre mwoyo.”

Mathaayo 3:10

Ngai nîmûvarîriu îthanwa rîa gûtema mûtî; mûtî wa wonthe ûtaciaraga maciaro maro, nîûgaatemwa na wikue mwakirî.

Johana 15:6

Mûndû wa wonthe ûtekaraga ndaarî yakwa nîatecagwa wata ûrîa rûvûa rûtecagwa rûgacoka rûkaûma. Mvûa ta icio nîciocanagua na igaikua mwakirî na ikavîa.

Gûco 29:28

Ngai-Mûnene nîwarakarire mûno nî o, na nîwamarutire vûrûrirî wao na akîmavira vûrûrirî mûgeni, na nîkuo matûûraga nginya ûmûnthî.’

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.