Ezek 18:6 - ÎVUKU RÎA ÛVORO MWARO

⁶ wana ndarîcaga irio cia magongoona irîa irutîrîtwe mîvuanano ya andû a Isiraeli irîmarî kana amîgooca, kana aveenererie mûka wa mûndû ûrîa mariganîtie nake, kana amenyane kîîmwîrî na mûndûmûka îvinda rîake rîa mweri,

Ezek 18:6 ပူးပေါင်းရင်းမြစ်များ

Thaburi 121:1

Ndoretie irîmarî; Ûtethio wakwa umaga kû?

Ntha 34:15

Mûtikaarûthe kîrîkanîro na andû a vûrûri ûcio, nîûndû vîndî îrîa makûgooca ngai ciao na makîirutagîra magongoona nwa mamwîte mûthiî mûkagwatanîre nao na mwavota kûgwa mageriorî wa kûrîa irio irîa itegeretwe ngai ciao.

Nthi 6:29

Ûguo nîguo gwîkaraga kûrî mûndû ûrîa ûtharagia na mûka wene; mûndû wa wonthe wîkaga ûguo nîakaaverithua.

Ezek 18:15

ke ndarîcaga irio irîa irutîrîtwe mîvuanano ya nyomba ya Isiraeli irîmarî kana amîgooca, ndacûkagia mûka wa mûndû ûrîa mariganîtie nake,

Ezek 18:5

“Ethîrwa mûndû nî mûthingu na nîarûmagîrîra watho na ageka ûrîa kwagîrîrîte,

Ezek 20:24

Nekire ûguo nîûndû nîmaaregire kûvingia matuîro makwa ma ciira, na nîmaaregire irîra cia watho wakwa na makîrega kûva thavatû ciakwa gîtîîo. Nîmeerirîrie kûgooca mîvuanano îrîa methe mao maagoocaga.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 20:7

Naamerire matecanîrie maûndû marî mûgiro marîa meeriragîrua nî metho mao, na matige kwîgwatia gîko na mîvuanano ya kûgoocwa ya Misiri. Nie nînie Ngai-Mûnene, Ngai wao.

Ezek 6:13

Ciimba ikaanyagania kûrîa ngai ciao cia mîvuanano irî mîenarî yonthe ya metha ciao cia magongoona, tûrîmarî tuonthe na irîmarî cionthe; mîtîrî yonthe mînene na mîtî îrîa mîruru ya mîvuru kûrîa maarutagîra magongoona marîa maanungaga waro ma gûkenia ngai ciao cia mîvuanano.

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Alawi 20:18

Mûndûmûrûme angîkaamenyana kîîmwîrî na mûndûmûka vîndî îrîa mûndûmûka ûcio arî îvindarî rîake rîa mweri, andû acio wa oîrî nîmakaamûranua na andû acio engî nîûndû nîmaunîte watho wa ûtheru.

Ndari 25:2

Aka acio nîmeetire Aisiraeli mamburarî mao ma kûrutîra ngai ciao magongoona. Andû a Isiraeli nîmaarîre irio na makîgooca ngai cia a Moabu.

Mathaayo 5:28

Nwatî rîu nîramwîra atî: mûndû wa wonthe ûroragia mûndûmûka na akerirîria kûmenyana kîîmwîrî nake, nîarîkîtie kûtharia na mûndûmûka ûcio ngororî yake.

1Akor 10:20

Naarî! Ûrîa nîrenda kuga nî atî andû arîa matetîkîtie marutaga magongoona mao kûrî ndaimono, nwatî tî kûrî Ngai. Na ndirenda mûtuîke a ngwatanîro na ndaimono.

Gûco 4:19

Rîrîa mwaroria îgûrû mwona riûa, mweri, na njata, na ciûmbe cionthe cia îgîrû, îîmenyagîrîreni mûtikagwe mageriorî ma gûciînamîrîra mûigooce kana mûitungatîre. Ngai-Mûnene, Ngai wenyu avecanîte indo icio kûrî andû onthe a nthî.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.