Ezek 18:32 - ÎVUKU RÎA ÛVORO MWARO

³² Nie ndikenagîra gûkua kwa mûndû wa wonthe, ûguo nîguo Ngai-Mûnene augîte. Kwoguo garûrûkani nîguo mûtûûre mwoyo.”

Ezek 18:32 ပူးပေါင်းရင်းမြစ်များ

Ayubu 37:23

Tûtingîvota gûkuvîvîria Ngai Mwene Vinya; ke arî ûvoti mwîngî na kîvooto, ke ecûrîtwe nî wega na ndavinyanagîrîria.

Isaia 31:6

Mue andû a Isiraeli, garûrûkîrani ûcio mwaregire na vinya.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Maca 3:33

Ke ndakenaga rîrîa andû marathînîka, kana rîrîa marî na kîeva.

Ezek 18:23

Mûreciria nwa ngenerere gîkuû Kîam mûndû mwîvia? Ûguo nîguo Ngai-Mûnene araûria? Naarî. Kinthî tîkava agarûrûke atige njîra îo atûûre mwoyo.

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Zakaria 1:3

Kwoguo îra andû Ngai-Mûnene mwene vinya wonthe augîte, ‘Njokererani nanie nîngûmûcokerera.’

1Tim 2:4

ûrîa wendaga andû onthe mavonoke na mamenye ûvoro wa ma.

2Pet 3:9

Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.