Ezek 18:27 - ÎVUKU RÎA ÛVORO MWARO

²⁷ Wana rîngî, rîrîa mûndû mwaganu agarûrûka na agîtiga waganu wake ûrîa ekîte agacoka gwîka maûndû marîa magîrîrîte na ma ma, nîakaavonokia mwoyo wake.

Ezek 18:27 ပူးပေါင်းရင်းမြစ်များ

Isaia 1:18

Ngai-Mûnene arauga atîrî, “Ûkani rîu twarie. Wana ethîrwa mevia menyu mûtunîvîte ta ndûngûrû, makatherua macerûve ta îra. Wana ethîrwa matunîvîte ta nthakame, magacerûvua mekare ta guoya wa ng'ondu.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Ezek 18:21

“Nwatî mûndû mwaganu angîtiga maûndû monthe macûku marîa ekîte na acoke kûrûmagîrîra mawatho makwa na ekage maûndû marîa magîrîrîte na ma ma, ndagaakua. Mûndû ûcio nî agaatûûra mwoyo.

Ezek 18:26

Rîrîa mûndû mûthingu agarûrûka na atiga ûthingu wake na agîka maûndû matarî ma kîvooto, nî agaakua nîûndû wa maûndû mau. Agaakua nîûndû wa maûndû mau matarî ma kîvooto ekîte.

Ezek 18:28

Ke nîecokerete na akagarûrûka kuuma kûrî maûndû marîa macûku eekîte. Na ma mûndû ûcio ndagaakua, nîagaatûûra mwoyo.

Ezek 33:14

Wana rîngî nwambîre mûndû mwaganu atî, ‘Nama we nîûgaakua.’ Kûnarî ûguo angîgarûrûka atige kwîvia na acoke gwîka maûndû ma kîvooto na marîa magîrîru,

Ezek 33:5

Nîweguire mûgambo wa karumbeta na nîwaregire kwîmenyerera, kwoguo nîagaacokererwa nî gîkuû gîake. Nwatî kethîrwa nîwemenyerere, nîangîavonokirie mwoyo wake.

Mathaayo 9:13

Thiîni mûkamenye gîtûmi Kîam mandîko matheru marîa maugîte atîrî, ‘Nie mendaga ciîko cia ntha na tî magongoona ma nyamû.’ Nie ndiûkîte gwîta andû arîa athingu, nwatî mbûkîte gwîta evia.”

Ciîko 2:40

Petero nîwamaarîrie na akîmathaitha na ciugo nyîngî akîmeeraga atîrî, “Îîvonokieni kuuma îverarî rîrîa rîgûka kûrî andû a rûciaro rûrû rwaganu!”

Ciîko 20:21

Nie nînarutire ûira kûrî Ayahudi na andû a Ndûrîrî ngîmeera merire mevia mao, macokerere Ngai na metîkie Mwathani wetû Jesû Kristû.

Ciîko 26:20

Nînaambîrîrie kûvunjîria andû ngîmeeraga atî nwanginya merire mevia mao, macokerere Ngai na meke ciîko cia kwonania atî na ma nîmerirîte. Nie naambire kûvunjia ûvoro ûyû Damesiki, ngîcoka ngîûvunjia Jerusalemu na vûrûrirî wonthe wa Judea na nginya kûrî andû a ndûrîrî.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

1Tim 4:16

Îîmenyagîrîre we mwene na ûmenyagîrîre maûndû marîa ûthomithanagia. Thiî na mbere gwîka maûndû mama nîûndû weka ûguo, nîûkwîvonokia we mwene na ûvonokie andû arîa makûthikagîrîria.