Ezek 18:24 - ÎVUKU RÎA ÛVORO MWARO

²⁴ “Nwatî mûndû mûthingu angîtiga ûthingu wake na acoke gwîka maûndû matarî ma kîvooto na acoke gwîka maûndû marî mûgiro ta marîa mekagwa nî mûndû ûrîa mwaganu, mûndû ûcio nwa atûûre mwoyo? Gûtirî ûndû wanarî ûmwe wa ciîko irîa cia ûthingu ûrîa ekîte ûkaaririkanwa, nîûndû maûndû macûku marîa matûmîte atuîka mwîvia na mevia marîa ekîte, nîmo magaatûma akue.

Ezek 18:24 ပူးပေါင်းရင်းမြစ်များ

2Maû 24:2

Joashi nîwekire maûndû marîa maakenagia Ngai-Mûnene îvinda rîonthe rîrîa Jehoiada, mûthînjîri-Ngai aarî mwoyo.

Thaburi 125:5

Nwatî arîa magarûrûkaga makarûmîrîra njîra ciao njûku, Ngai-Mûnene nîakaamaverithia vamwe na arîa mekaga maûndû macûku. Isiraeli kûrogîa thayû!

Nthi 14:32

Andû arîa aganu macûkangagua nî ciîko ciao njûku, nwatî andû arîa athingu magitagîrwa nî wîvokeku wao.

Nthi 21:16

Mûndû ûrîa ûtiganaga na mîtugo îrîa mîaro, arîkagîrîria kwa arîa akuû.

Jeremia 34:16

Nwatî nîmwacokire mûkîgarûrûka, na mûkîgwatia rîîtwa rîakwa mûgiro, vîndî îrîa mue muonthe mwacokire gwoca rîngî ngombo cia aka na arûme irîa mwarekereretie mûrî na wendi, na mûkîmatua ngombo cienyu rîngî.

Ezek 17:20

Nîngaatega mûtego na nî akaanyitithua nîguo. Nîngaamûvira Babuloni na nîngaamûtuîra nîûndû wa kûrega gûtuîka mwîvokeku kûrî nie.

Ezek 18:18

Ûvoro wîgiî îthe, ke nîwavinyanagîrîria, nîwacunire mûrwang'ina kîndû, na nîwekire andû ao maûndû mataarî maro, kwoguo îthe nîagaakua nîûndû wa mevia make marîa ekire.

Ezek 18:22

Gûtirî ûndû wana ûmwe mûcûku ûrîa eekire ûkaaririkanwa. Nîûndû wa maûndû ma ûthingu marîa ekîte nîmagaatûma atûûre mwoyo.

Ezek 18:26

Rîrîa mûndû mûthingu agarûrûka na atiga ûthingu wake na agîka maûndû matarî ma kîvooto, nî agaakua nîûndû wa maûndû mau. Agaakua nîûndû wa maûndû mau matarî ma kîvooto ekîte.

Ezek 20:27

“Kwoguo, we mûndû, arîria andû a Isiraeli. Meere Ngai-Mûnene augîte atî, methe mao ma tene nîmaagwatirie rîîtwa rîakwa gîko nîûndû nîmaaregire gûtuîka evokeku kûrî nie.

Ezek 33:18

Mûndû mûthingu angîtiganîria ûthingu wake na acoke gwîka maûndû macûku, nîagaakua nîûndû wa mavîtia mau.

Ezek 33:6

Nwatî mûrangîri angîona nthû ciûkîte na arege kûvuva karumbeta andû mamenyithue, nthû ciaûka nîikaûraga andû nîûndû wa mevia mao, nwatî gîkuû Kîam andû acio gîkaarîvua mûrangîri.

Zefania 1:6

Nîngacûkangia arîa onthe mandiganîrîtie nie Ngai-Mûnene, onthe arîa mandiganîrie na matambûragia ûtaaro.”

Maariko 13:13

Nao andû onthe nîmakaamûmena nîûndû wakwa. Nwatî mûndû ûrîa ûkaaûmîrîria nginya mûthiia nîakaavonokua.

Johana 8:21

Wana rîngî Jesû nîwamerire atîrî, “Nie nîngûthiî namue mûkaanjaria, nwatî nîmûgaakua nî mevia menyu. Mue mûtingîvota kûthiî kûrîa ngûthiî.”

Johana 8:24

Na nîkîo namwîra atî mwona mwathiî na mbere na kwîvia, mûgaakua. Na mûgaakua mûrî wana mevia menyu angîthîrwa mûtigwîtîkia atî ‘Nie Nînie Nie’ ”

Agal 3:3

Nîkwa mûritîte atîa? Mue mwambîrîrie na Roho na rîu mûrenda kûrîkîrîria na vinya wa mwîrî?

Agal 3:4

Nîkwa maûndû monthe marîa mwemenyeretie maatuîkire ma mana? Ngwîvoka matiarî ma mana.

Agal 5:7

Nîmwathiîte na mbere waro mûno! Nû wamûgiririe kwathîkagîra ûvoro ûrîa wa ma?

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.

2Joh 1:8

Îîmenyerereni nîguo mûtigate kîrîa kîonthe mûrutîrîte wîra, nwatî mûkaagwata mûcara wenyu wonthe.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.

1Sam 15:11

“Nie nînîrerira nîûndû wa kûthuura Saûlo atuîke mûthamaki. Ke nîandiganîrîtie na nîaregete kwathîkîra maathani makwa.” Nake Samueli nîwarakarire na akîraara akîvoya Ngai-Mûnene ûtukû mûgima.