Ezek 18:21 - ÎVUKU RÎA ÛVORO MWARO

²¹ “Nwatî mûndû mwaganu angîtiga maûndû monthe macûku marîa ekîte na acoke kûrûmagîrîra mawatho makwa na ekage maûndû marîa magîrîrîte na ma ma, ndagaakua. Mûndû ûcio nî agaatûûra mwoyo.

Ezek 18:21 ပူးပေါင်းရင်းမြစ်များ

Kîam 26:5

Nîngaakûrathima nîûndû Iburahimu nîwambathîkîre na akîathîkîra mataaro makwa na mawatho makwa monthe.”

Thaburi 119:1

Kûrathimwa nî andû arîa marî mîthiîre mîrûngîrîru; arîa marûmagîrîra watho wa Ngai-Mûnene.

Thaburi 119:112

Nînduîte na ngoro yakwa kwathîkîra mawatho maku nginya tene na tene.

Thaburi 119:80

Tûma ngoro yakwa yathîkagîre mawatho maku, nîguo ndigaconorithue.

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Jeremia 18:8

naguo vûrûri ûcio narîtie ûvoro waguo ûgarûrûke ûtigane na maûndû macûku, nîngericûkwa ndige gûûcûkangia wata ûrîa navangîte.

Jeremia 26:3

Nwa kwîthîrwa nîmakûthikîrîria na matigane na maûndû mao macûku, nanie nwa nîricûkwe gwîka maûndû macûku marîa nîvarîrîtie kûmeka nîûndû wa waganu wao ûrîa mekaga.

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Ezek 18:17

Kethîrwa nîemenyagîrîra nîguo ndakaavîtîrie mûndû mûthîni, ndetagia umithio wa indo irîa akovithanîtie, na nîathîkagîra watho wakwa na akarûmîrîra irîra ciakwa; mûndû ta ûcio ndagaakua nîûndû wa mavîtia ma îthe. Na ma nî agaatûûra mwoyo.

Ezek 18:19

“Kûnarî ûguo mue mûragia atî, ‘Mûvîcî angîrega kûverithua nîûndû wa mavîtia ma îthe nîkî?’ Mûvîcî angîka maûndû marîa magîrîrîte na ma ma, na nîarûmagîrîra watho wakwa waro, na ma nîagaatûûra mwoyo.

Ezek 18:30

“Kwoguo mue nyomba ya Isiraeli nie nîngaamûtuîra ciira, wa mûndû kûringana na njîra ciake, ûguo nîguo Mwathani Ngai augîte. Îrireni na mûgarûrûke mûtigane na maûndû mau menyu macûku mûreka na mûtikareke mevia menyu mamûcûkangia.

Ezek 18:5

“Ethîrwa mûndû nî mûthingu na nîarûmagîrîra watho na ageka ûrîa kwagîrîrîte,

Ezek 18:9

Ethîrwa mûndû ta ûcio nî avingagia irîra cia watho wakwa, na nîamenyagîrîra matuîro makwa ma ciira na nîekaga maûndû ma kîvooto, na ma mûndû ûcio nî mûthingu na nîagaatûûra mwoyo. Ûguo nîguo Ngai-Mûnene augîte.

Ezek 3:21

Nwatî ûngîkaania mûndû mûthingu ndakevie na arege kwîvia, nama mûndû ûcio nîagaatûûra mwoyo nîûndû nîeguîte ûkîmûkaania nawe nîûkethîrwa ûvonoketie mwoyo waku.”

Ezek 33:19

Vîndî îrîa mûndû mwaganu agarûrûka atiga waganu wake na acoka gwîka maûndû maro na magîrîru, nîagaatûûra mwoyo nîûndû wamo.

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Danieli 4:27

Kwoguo Mûthamaki wetû, nakûthaitha wîtîkîre mataaro makwa. Tiga kwîvia na gwîka maûndû ma waganu, na wambîrîrie gwîka maûndû ma ûthingu na kwîguîra andû arîa athîni ntha. Weka ûguo, wavota kwongererwa mavinda ma gûtûûra wîganîrîte.”

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Aroma 8:13

Nîûndû mwatûûra mwathagwa nî maûndû ma mwîrî nîmûgaakua. Nwatî ethîrwa na njîra ya Roho nîmûkûûraga ciîko cienyu njûku irîa mwîkaga, nîmûgûtûûra mwoyo.

Jakuvu 2:14

Ariû na aarî a îthe wetû, kûrî na vata ûrîkû wa andû kuga atî marî na wîtîkio ethîrwa ciîko ciao itironania? Wîtîkio ûcio nwa ûmavonokie?

Jakuvu 2:26

Kwoguo, wata ûrîa mwîrî ûtarî na mîvevû wîthagîrwa ûrî mûkuû, nwa ta guo wîtîkio ûtarî na ciîko wîthagîrwa ûrî mûkuû.