Ezek 17:23 - ÎVUKU RÎA ÛVORO MWARO

²³ Ngaakavanda vandû îgûrû kîrîmarî kîrîa kîraca mûno gîa Isiraeli. Nîgagaakûra kagîe na mvûa, kagîe na maciaro na gatuîke mûtarakwe mwaro. Nyamû cia mîthemba yonthe nîigaatûûraga rungu rwa mwîgunyî wa guo, na iconi cionthe nîigaatuma ciomba ciacio mvûarî cia mûtarakwe ûcio.

Ezek 17:23 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Thaburi 80:8

Waretire mûthavibu kuuma Misiri, ûkîvinyûria ndûrîrî irîa ciîngî, na ûkîûvanda vûrûrirî wao.

Rwîmbo rwa Nyîmbo 5:15

Magûrû make nîmarûngarû ta itugî irî na vinya, ivandîtwe mûcingirî wa thaavu. Onekaga ekariî ta irîma cia Lebanoni, anyorokete ta mîtarakwe ya kuo.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 27:6

Vîndî nîgaakinya rîrîa njiarwa cia Jakovu ikaagîa na mîri, Isiraeli nîkaamera na îtheûke, na matunda mayo nîmagecûra nthî yonthe.

Isaia 49:18

Vingûra metho ûrorie mîena yonthe na wone; andû aku onthe maûnganîte vamwe maûkîte kûrî we! Wata ûrîa nie ndûûraga mwoyo, ûgeekîra andû aya onthe ta nguo, wata ûrîa wîkagîra nguo cia kwîgemia nacio, na ûmeyove wata ûrîa mûviki eyovaga rîrîa akwîgemia na mathaga make.

Jeremia 31:12

Nîmagaûka maine na maugîrîrîtie marî kîrîmarî gîa Zayuni, nîmagaakena nîûndû wa maûndû maro ma Ngai-Mûnene, nîmagaakena nîûndû wa irio cia mûgûnda ndivei na maguta ma ndamaiyû, nîûndû wa ndîthia ya ng'ondu na ng'ombe. Makethîrwa mekariî ta mûgûnda wîtîrîrîtue manjî, na matikathîna rîngî.

Ezek 20:40

Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.

Ezek 31:6

Iconi cionthe cia rîerarî, nîciatumire ciomba mvûarî cia mûtî ûcio. Nyamû cionthe cia kîthaka, nîciaciarîre twana rungu rwa mvûa ciaguo. Ndûrîrî cionthe irîa nene ciekaraga rungu rwa kîruru Kîamguo.

Ezek 36:8

Nwatî mue irîma cia Isiraeli, mîtî yenyu nîîkagîa na mvûa na îciare matunda nîûndû wa andû akwa a Isiraeli nîûndû kavinda gatarî karaca nîmagaacoka kwao.

Ezek 40:2

Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

Danieli 4:8

Nwatî vîndî wa îo Danieli nîwatonyire mbere yakwa, (ûrîa na rîîtwa rîngî etagwa Baliteshazaru, rîîtwa rîa ngai yakwa. Ke aarî na roho kuuma kûrî ngai irîa ntheru) na nînaamwîrire kîroto gîakwa atîrî,

Danieli 4:9

Beliteshazaru, mûnene wa aringi ciama, nie nîmbicî atî wîthagîrwa ûrî na roho kuuma kûrî ngai irîa ntheru na gûtirî nthitho ûtaicî; rîu ta ndaûrîra kîoneki kîrîa nonire na njîra ya kîroto.

Hosea 14:7

Nîmagacoka vûrûrirî wao na matûûre kuo nîmaagitîrîte, magekara waro ta mûgûnda ûvandîtwe ngano. Nîkaruta marao ta mûthavibu, na methîrwe na mûtararûko mwaro ta wa ndivei ya Lebanoni.

Hosea 14:8

Mue andû a Isiraeli, tiganîriani ngai cia mîvuanano, Nînie nîmûmenyagîrîra na nînie nîmûgitagîra. Mbîkariî ta mûtî ûrîa ûtûûraga ûrurîte vîndî cionthe, ûrîa ûkûvecaga matunda mîaka yonthe.”

Mika 4:1

Îvinda nîrîgakinya rîrîa kîrîma kîrîa gîtumîtwe hekarûrî ya Ngai-Mûnene gîkethîrwa kîrî gîtûgîru gûkîra irîma cionthe, nîgîgaatûgîrua gûkîra tûrîma tuonthe, na ndûrîrî nyîngî nîikaathiîcaga kuo.

Mathaayo 13:32

Mvîndî îo nîyo nini mûno gûkîra mvîndî irîa ciîngî cionthe. Nwatî vîndî îrîa yakûra, nîcokaga gûtuîka mûtî ûrîa mûnene mûno gûkîra mîtî îrîa îngî yonthe îî mûgûndarî. Kwoguo iconi nîciûkaga na igatuma ciomba mvûarî ciaguo.”

Maariko 4:32

Na kavinda kanini kathira mûmera ûcio nîûkûraga, ûkaneneva, na ûkaruta mvûa nene, na ûkaneneva gûkîra îrîa îngî yonthe îrî mûgûndarî ûcio. Nacio iconi nîciûkaga na igatuma ciomba rungu rwa mvûa ciaguo.”

Luka 13:19

Ûthamaki wa Ngai nîûgerekania na mvîndî ya mûtî wa karatarî. Mûndû angîoca mvîndî îo na amîvande mûgûndarî wake, nî îmeraga na îgatuîka mûtî, nacio iconi nîthiîcaga na igatuma ciomba ciacio mvûarî cia mûtî ûcio.”

Johana 12:24

Nie nîramwîra na ma atî, mvîndî ya ngano îkaraga îrî wa yonga îngîrega kûvandwa mûtheturî na îkue. Nwatî îngîkua, nîîciaraga maciaro meengî.

Agal 3:28

Kwoguo gûtirî ngûrani gatagatîrî ka Ayahudi na andû a Ndûrîrî, ngombo na arîa matarî ngombo, arûme na aka muonthe mûrî kîndû kîmwe na Kristû.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.

Kûguû 11:15

Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”