Ezek 17:22 - ÎVUKU RÎA ÛVORO MWARO

²² Ngai-Mûnene augîte atîrî, “Nie mwene nîngoca kamûtî karîa karî îgûrû mûno mûthiiarî wa mûtî wa mûtarakwe na nîngaakavanda. Ngaatua karûvûa ka mûthiia ga tûrûvûa tûrîa twîthî tûrîa tûrî îgûrû viû twa mûtî ûcio. Nie mwene nîngaacoka nîkavande îgûrû kîrîmarî kîraca mûno.

Ezek 17:22 ပူးပေါင်းရင်းမြစ်များ

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 72:16

Vûrûrirî kûrogîa na irio nyîngî; irîmarî kûrogîa na irio nyîngî, ta irîa ikûraga Lebanoni. Nao andû maroîcûra matûûrarî, ta nyaki îrî mûgûndarî.

Thaburi 80:15

Ûka ûvonokie mûthavibu ûrîa we wavandire, mûthavibu ûcio we watûmire ûkûre.

Isaia 4:2

Mûthenya ûcio, rûvûa rûrîa Ngai-Mûnene agaatûma rûmere rûkethîrwa rûrî rûthaka na rûrî na riiri. Namo maciaro ma nthî nîmakaaguna na makenagie andû a Isiraeli arîa matigarîte.

Isaia 53:2

Nîûndû ndungata îo yake yakûrire îrî mbere yake ta mûtî mwîthî, ta mûri ûrî nthî îno nyûmagaru. Ndîarî na mûmbîre kana ûndû ûngîatûmire tûmîende, na ndîarî na ûthaka ûrîa ûngîatûmire tûmîrirîrie.

Ezek 20:40

Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.

Ezek 34:29

Nîngaaiva mîgûnda mîaro îgûkûra irio nîguo itigaacoke kûgîa na yûra vûrûrirî ûcio, na itigaacoka kûthekererwa nî ndûrîrî rîngî.

Ezek 37:22

Nîngaamatua rûrîrî rûmwe rûrî vûrûrirî wa Isiraeli ûrîa ûrî irîma. Onthe magaatuîka a mûthamaki ûmwe na matigaacoka gûtuîka ndûrîrî igîrî, na matikagaûkana matuîka mothamaki maîrî.

Ezek 40:2

Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

Danieli 2:35

Nayo cuuma, yûmba, gîcango, sîlûva na thaavu nîciaunîkangire tûcunjî, na igîtuîka ta mavûngo ma ngano îtîrirî vîndî ya riûa. Nîciagûrûkîrue nî rûkûngi cionthe, na gûtirî wa naarî gacunjî gaatigarire. Nwatî îthiga rîrîa rîaringire mûvuano ûcio, nîrîatuîkire kîrîma kînene na gîgîcûra nthî yonthe.

Mika 4:1

Îvinda nîrîgakinya rîrîa kîrîma kîrîa gîtumîtwe hekarûrî ya Ngai-Mûnene gîkethîrwa kîrî gîtûgîru gûkîra irîma cionthe, nîgîgaatûgîrua gûkîra tûrîma tuonthe, na ndûrîrî nyîngî nîikaathiîcaga kuo.

Zakaria 3:8

Tathikîrîria waro, we Joshua Mûthînjîri-Ngai mûnene. Wa namue athînjîri-Ngai arîa mûtungataga vamwe nake tathikîrîriani. Mue oni a maûndû ma mavinda marîa magaaûka tathikîrîriani. Nîngûreta ndungata yakwa îrîa îtagwa Rûvûa.