Ezek 17:20 - ÎVUKU RÎA ÛVORO MWARO

²⁰ Nîngaatega mûtego na nî akaanyitithua nîguo. Nîngaamûvira Babuloni na nîngaamûtuîra nîûndû wa kûrega gûtuîka mwîvokeku kûrî nie.

Ezek 17:20 ပူးပေါင်းရင်းမြစ်များ

2Sam 18:9

Wa rîmwe Abusalomu atûîte mbarathi yake nîwatûnganire na ndungata imwe cia Daudi. Mbarathi îo nîyavîtûkîrîre rungu rwa mvûa cia mûtî wa mûvuru. Kîongo Kîam Abusalomu nîkîabatîîre gatagatî ka mvûa cia mûtî ûcio. Mbarathi îrîa yamûkuîte nîyathiîre na mbere kûvinyûra nake Abusalomu agîtigwa acurîte mvûarî.

2Maû 33:11

Kwoguo Ngai-Mûnene nîwatûmire anene a athigari a mbaara a kuuma Asîria mathiî makatharîkîre Juda. Nîmaanyitire mûthamaki Manase na makîmwîkîra icûvî, makîmwova na mvîngû cia gîcango na makîmûvira Babuloni.

Ayubu 10:16

Nîngîûkîrîria kîongo tu, ûng'uîmaga ta mûnyambû, ûgacoka ûkambîka maûndû ma magegania na ma kûnyamaria.

Mûvunjia 9:12

Gûtirî mûndû wicî rîrîa kavinda gake gagaakinya. Nwata ûrîa nthamaki înyitagwa na neti kana ta ûrîa gîconi kînyitagwa nî mûtego wa rîmwe nwaguo andû manyitagwa nî mathîna matakûmenya.

Jeremia 2:35

we ugaga atî: “Nie ndirî na mevia, nama marakara ma Ngai-Mûnene marî varaca nanie.” Taroria nîngûkûverithia nîûndû wa kuga atî ndûrî mwîvia.

Jeremia 2:9

Kwoguo nie Ngai-Mûnene nîrî na ciira namue, na nîngacirithia njiarwa cienyu.

Jeremia 34:21

Nîngaarekereria Zedekia mûthamaki wa Juda na anene ake kûrî nthû ciao, na matharîkîrwe nî arîa mamacaragia mamaûrage na nîmarekererie kûrî athigari a mbaara a Babuloni arîa matigîte kûmatharîkîra.

Jeremia 37:17

mûthamaki Zedekia nîwatûmanire athiî etwe, na akîmûgwata ûgeni gwake. Nîmaathiîre vandû keverirî kûu gwake mûciî na akîmûria atîrî, “Kûrî na ndûmîrîri ûrî nayo kuuma kûrî Ngai-Mûnene?” Jeremia nîwamûcokerie atîrî, “Kûrî nayo.” Jeremia nîwacokire akiuga atîrî, “Nîûkaanenganîrwa kûrî mûthamaki wa Babulonia.”

Jeremia 50:44

“Taroria, nîngaûka wa rîmwe ndûme andû a Babuloni maume îtûûrarî rîao wa rîmwe ta mûnyambû umîrîte kîthakarî Kîam Jorodani na ûkathiî ndîthiarî ya ng'ondu. Na nîngathuura mûtongoria wakuo wa ûrîa ngenda. Nû ûngîgananua na nie? Nû wî na ûndû angînjukîra? Nî mûtongoria ûrîkû ûngîregana nanie?

Maca 1:13

“Nîwatûmire mwaki kuuma îgûrû ûrîa wamvîvirie mavîndî. Nîwambigîre mûtego na akînjokia vuva, nîwacokire akîndiganîria ngîtinda nîrî mûgirîku.

Maca 4:20

Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Ezek 12:13

Nîngaakûnjûra neti ta mûtego nîguo agwatue nîyo na nîngaamûvira Babuloni vûrûrirî wa Akalidei. Kûnarî ûguo ndakaawona, wana ethîrwa nîagaakuîrîra kuo.

Ezek 15:8

Nîngaatûma vûrûri wao ûtuîke werû ûtangîkûra kîndû, nîûndû nîmaregete kwathîka.” Ûguo nîguo Ngai-Mûnene augîte.

Ezek 17:19

Kwoguo Ngai-Mûnene augîte atîrî, “Wata ûrîa nie ndûûraga mwoyo, nama nîngaamûverithia nîûndû wa kûnyarara mwîvîtwa ûrîa eevîtire na rîîtwa rîakwa na akiuna kîrîkanîro kîrîa twarîkanîre nake.

Ezek 18:24

“Nwatî mûndû mûthingu angîtiga ûthingu wake na acoke gwîka maûndû matarî ma kîvooto na acoke gwîka maûndû marî mûgiro ta marîa mekagwa nî mûndû ûrîa mwaganu, mûndû ûcio nwa atûûre mwoyo? Gûtirî ûndû wanarî ûmwe wa ciîko irîa cia ûthingu ûrîa ekîte ûkaaririkanwa, nîûndû maûndû macûku marîa matûmîte atuîka mwîvia na mevia marîa ekîte, nîmo magaatûma akue.

Ezek 32:3

Nie Ngai-Mûnene Ngai mbugîte atî nîngaagwikîria neti andû eengî magomanîte na nîmagaakûruta manjîrî.

Ezek 38:22

Nîngaamûverithia na mîrimû mîcûku na ndûme andû maûragane. Nîngaaurithîria Gogu, athigari ake a mbaara na arîa onthe arî nao mbura nene ya mbembe na mwaki wa ûviriti.

Hosea 2:2

Tetiani nyûkwe mûtetieni, nîûndû rîu ke tî mûka wakwa, nanie tînie mûthuuriwe. Mwîreni aume atigane na ûtharia wake, mwîreni atigane na ûraa wake.

Hosea 7:12

Makîthiî nîngamatandîkîra neti yakwa îmagwate, nîngamagûîthia nthî ta iconi cia rîerarî, nîngamaverithia kûringana na wîvia wao.

Mika 6:2

Mue irîma, namue mîcingi ya nthî îrîa îtûûraga tene na tene! thikîrîriani Ngai-Mûnene akîthitanga andû ake. Nîagaacira na andû ake a Isiraeli.

Luka 21:35

wata ûrîa mbîa îthagîrîrua nî mûtego îtevarîrîtie. Nîûndû mûthenya ûcio ûgaaûka kûrî andû onthe arîa matûûraga gûkû nthî.