Ezek 17:16 - ÎVUKU RÎA ÛVORO MWARO

¹⁶ Ngai-Mûnene augîte atîrî, “Wata ûrîa Nie ndûûraga mwoyo, nama mûthamaki ûcio agaakuîra Babuloni kûrîa mûthamaki ûrîa wamwîvîtithirie na akîmûtua mûthamaki atûûraga, nîûndû nî anyararîte muma ûrîa aanyuire na nîaunîte kîrîkanîro kîrîa maarûthire na mûthamaki wa Babuloni.

Ezek 17:16 ပူးပေါင်းရင်းမြစ်များ

2Sam 21:2

(Andû acio a Gibeoni matiarî Aisiraeli; maarî gakundi kanini ka andû a Amori. Aisiraeli nîmaamerîrîte atî nîmakûmagitîra, nwatî Saûlo nîwageretie kûmaûraga nîûndû nî kîîo kîrîa aarî nakîo kûrî andû a Isiraeli na a Juda.)

2Atha 24:17

Nebukadinezarû nîwatuire Matania mûthamaki wa Juda na akîmûcenjeria rîîtwa akîmwîta Zedekia. Matania aarî mamawe wa Jehoiakini.

2Atha 24:20

Ngai-Mûnene nîwarakarirue mûno nî andû a Jerusalemu na a Juda nginya akîmengata. Zedekia nîwareganire na mûthamaki wa Babuloni.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Ntha 20:7

“Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Ntha 8:2

Ethîrwa nîûkûrega, nîngûverithia vûrûri waku na njîra ya gûtûma wîcûrwe nî ciûra.

Jeremia 34:21

Nîngaarekereria Zedekia mûthamaki wa Juda na anene ake kûrî nthû ciao, na matharîkîrwe nî arîa mamacaragia mamaûrage na nîmarekererie kûrî athigari a mbaara a Babuloni arîa matigîte kûmatharîkîra.

Jeremia 39:7

Nîwakûrire Zedekia metho na akîmwova na mvîngû nîguo avirwe Babulonia.

Jeremia 52:11

Nîwacokire agîkûûra Zedekia metho na akîmwova na mvîngû na akîmûvira Babulonia. Nake Zedekia nîwekarire kûu Babuloni arî mwove nginya rîrîa akuire.

Ezek 12:13

Nîngaakûnjûra neti ta mûtego nîguo agwatue nîyo na nîngaamûvira Babuloni vûrûrirî wa Akalidei. Kûnarî ûguo ndakaawona, wana ethîrwa nîagaakuîrîra kuo.

Ezek 16:59

Tathikîrîria, Ngai-Mûnene araugîte atîrî, “Ngaagwîka wata ûrîa we wekire nîûndû wanyararire mîvîtwa yaku na ûkîthûkia kîrîkanîro.

Ezek 17:10

Mûtî ûcio nîmûvande, nwatî nîûgaakûra? Rîrîa rûkûngi rûrîa rumaga na mwena wa îrathîro rûkaavurutana na rûwîthîrîrie, kinthî tî kûma ûkaaûma? Ûkaaûma ûrî wa vau ûvandîtwe.”

Ezek 17:13

Nîwocire mûndû ûmwe wa mûciî wa mûthamaki wa Jerusalemu na akîthondeka kîrîkanîro nake na agîtûma evîte. Nîwarutire andû arîa marî njamba vûrûrirî na akîthiî nao,

Ezek 21:23

Nwatî andû a Jerusalemu nîmakoona woni ûcio ûrî wa maveeni nîûndû nîmaaîvîtire na kinyi. Kûnarî ûguo, nîûgaatûma maririkane mavîtia mao na ûtûme manyitwe.

Hosea 10:4

Maragia ciugo ntheri; mevîtaga na makarûtha irîkanîro cia mama; kîvooto gîtuîkîte tî kîvooto rîngî ûvoro ûcio ûratamba ta ria rîrîa rîrî cumu mûgûndarî ûrîa mûrîme.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Ndari 30:2

“Rîrîa mûndû evîta mbere ya Ngai-Mûnene, kana eranîra na mwîvîtwa atî nîakûvingia ûndû, nwanginya avingie ûrîa eranîrîte atî nîageka.

Aroma 1:31

Nî aganu, tî evokeku, matiîciragia maûndû ma andû arîa engî na matirî ntha.

1Tim 1:10

Watho watuirwe nî ûndû wa imaramari, arûme arîa mamenyanaga kîîmwîrî na arûme arîa engî, andû arîa mendagia andû arîa engî, arîa maveenanagia na makaruta ûira wa maveeni kana andû arîa mekaga maûndû marîa mataringanîte na kîrîra kîrîa Kîam ma.

2Tim 3:3

Andû matangîtugana, andû matarî ntha, andû a ngutû, andû matûmaga andû magîa na guoya na andû mathûraga maûndû marîa maro,

Josh 9:20

Nwanginya tûreke matûûre mwoyo nîûndû wa kîrîkanîro gîetû, na ethîrwa tîtwîka guo Ngai nîagûtûverithia.