Ezek 16:52 - ÎVUKU RÎA ÛVORO MWARO

⁵² Rîu we nîûtûûra ûconokete nîûndû nîûtûmîte aa mwarwanyûkwe monekane ta matavîtîtie nîûndû nîwekire maûndû macûku mûno kûmakîra nao makîonekana marî athingu gûgûkîra. Kwoguo nîûconoka nîûndû nîûtûmîte aa mwarwanyûkwe monekane matarî na mavîtia.”

Ezek 16:52 ပူးပေါင်းရင်းမြစ်များ

Kîam 38:26

Juda nîwamenyire indo icio na akiuga atîrî, “Tamarû nî mûthingu kûngîra, nîûndû nînie nîraregire kûmûnenganîra kûrî mûvîcîwa Shela.” Juda ndaacoka kûmenyana kîîmwîrî nake rîngî.

1Atha 2:32

Ngai-Mûnene nîakaaverithia Joabu nîûndû wa andû acio aaûragire vava Daudi atakûmenya. Joabu aaûragire arûme aîrî matarî na mavîtia na maarî aro kûmûkîra. Nao maarî: Abineri mûvîcî wa Neri na mûtongoria wa athigari a Isiraeli, na Amasa mûvîcî wa Jetheri mûtongoria wa athigari a Juda.

Jeremia 23:40

Nîngamaretera ûndû wa gûtûma matûûre marî anyarare na marî na gîconoko gîtakaariganîra.”

Jeremia 3:11

Ngai-Mûnene nîwacokire akîmbîra atîrî, “Isiraeli ûrîa ûtarî mwîvokeku, nîwonanîtie atarî na mevia mengî ta Juda ûrîa mûthani.

Jeremia 31:19

Nîûndû vuva wa kûregana nawe nînaverire, na vuva wa gûtaarwa nîneririre, nînegwire nthoni na ngîconoka, nîûndû naconokaga nî maûndû ma wîthî wakwa.

Jeremia 51:51

Mugaga atî: ‘Nîtûconorithîtue na tûkamenererua; twîcûrîtwe nî gîconoko, nîûndû ageni nîmatonyete kûndû kûrîa kûtheru nyombarî ya Ngai-Mûnene.’ ”

Ezek 16:47

Kûnarî ûguo we ndwaneganîra ûrûmîrîra mîtugo yao kana wîka ta ûrîa o meekaga maûndû marî na magigi. Takwa ûndû ûcio ûtaarî mûnene, we nîwatuîkire mûcûku mûno na ûkîmakîra onthe mîthiîrerî yaku.”

Ezek 16:48

Ngai-Mûnene augîte atîrî, “Wata ûrîa nie ndûûraga mwoyo, mwarwanyûkwe Sodomu na erîtu ake matianeka maûndû macûku ta marîa we na erîtu aku mwekire.

Ezek 16:53

Ngai-Mûnene erîte Jerusalemu atîrî, “Nîngaatûma Sodomu na Samaria, wa vamwe na aarî ao magîe na maûndû maro ta marîa maarî namo mbere. Wa nawe nîngaatûma maûndû maku matuîke maro gatagatîrî kao,

Ezek 16:54

nîguo ûgaaconoka nî maûndû marîa we mwene wekire na ûcambe nîûndû nîwathiîre kûmaûmîrîria.

Ezek 16:56

Nîwairire mwarwanyûkwe Sodomu nîûndû wa mwîtîîo waku.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 32:24

“Elamu arî kuo na andû ake mathiûrûrûkîrîtie mbîrîra yake. Onthe nî akuû na maaûragirwe marî mbaararî na makîthiî kwa arîa akuû matarî aruu. Acio nîmaamakagia andû arîa marî mwoyo na nîmaconorithîtue marî vamwe na andû arîa mathiîte gwa akuû.

Ezek 36:15

Na ndikenda mwîgua irumi kuuma mavûrûri mau rîngî kana mamûnyûrûria kana matûme vûrûri wenyu ûvîngwe rîngî. Ûguo nîguo nie Mwathani Ngai-Mûnene mbugîte.”

Ezek 39:26

Rîrîa magaatûûra vûrûrirî wao matagwîtigîra na marî na thayû, nîmakaariganîrwa nî ûrîa maaconorithîtue nîûndû wa kûndiganîria.

Ezek 44:13

Matigaûke vakuvî nanie gûtungata ta athînjîri-Ngai, kana mathiî vakuvî na indo ciakwa irîa nyamûre kana matonya vandû varîa vatheru Mûno. Nwatî nîmagaaconoka nîûndû wa maûndû marîa marî magigi mekîte.

Hosea 10:6

Mûviano ûcio nîûkaavirwa Asîria, ûrî ta gooti kûrî mûthamaki mûnene. Andû a Efiraimu nîmagaconorithua, Andû a Isiraeli nîmagaconoka nîûndû wa mûviano wao.

Luka 6:37

“Mûtigatucanîre ciira, na wanamue mûtigaatuîrwa. Mûtigekûûe andû arîa engî na wanamue mûtigeekûûîrwa. Ovanagîrani na wanamue nî mûkooverwa.

Aroma 1:32

Nîmaicî atî Watho wa Ngai ugîte atî arîa onthe mekaga maûndû ma waganu magîrîrwe nî gûkua. Nwatî nîmathiîcaga na mbere na kûmeka na kûgathîrîria andû arîa mekaga maûndû ta mau.

Aroma 2:10

Nwatî Ngai nî akaava andû onthe arîa mekaga maûndû maro riiri, gîtîîo na thayû, mbere Ayahudi na vuva andû a Ndûrîrî.

Aroma 6:21

Nî umithio ûrîkû mwagîre naguo kuuma maûndûrî marîa rîu mûconokaga nîmo? Maûndû mau macokaga kûrete gîkuû.

1Sam 24:17

Nake nîwerire Daudi atîrî, “We ndûrî na mavîtia, nwatî nie mvîtîtie. Nîûmbîkîte maûndû maro rîrîa nie ngwîkîte maûndû macûku!