Ezek 16:49 - ÎVUKU RÎA ÛVORO MWARO

⁴⁹ Îvîtia rîa mwarwanyûkwe Sodomu nî atî, ke na erîtu ake maarî etîi, maarî na irio cia kwîgana na nîmeganîrîte, nwatî matiatethagia andû arîa maarî athîni na avatari.

Ezek 16:49 ပူးပေါင်းရင်းမြစ်များ

Kîam 13:10

Loti nîwaroririe na akîona atî Kîamnda kîonthe Kîam Rûnjî rwa Jorodani, kûthiî nginya Zoari Kîamrî na manjî meengî, wata mûgûnda wa Ngai-Mûnene kana ta vûrûri wa Misiri. Vîndî îno Ngai-Mûnene ndaarî mûcûkangiu matûûra ma Sodomu na Ngomora.

Kîam 13:13

Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.

Kîam 18:20

Ngai-Mûnene nîwacokire akîra Iburahimu atîrî, “Nîmbîguîte maûndû macûku megiî andû a Sodomu na Gomora na wîvia wao nî mûnene mûno.

Kîam 19:24

Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.

Kîam 19:9

Nwatî arûme acio nîmaaugire atîrî, “Twererekere, we ûrî mûgeni gûkû! We ûrî û wa gûtwîra ûrîa tûgwîka? Twererekere kana tûgwîke naaî kûmakîra.” Nao nîmaatindîkire Loti na vuva na makîîvarîria gûtua mûrango.

Thaburi 138:6

Wana ethîrwa we Ngai-Mûnene ûrî îgûrû mûno, nîûmenyagîrîra andû arîa menyivagia. Nwatî arîa etîi nîûmamenyaga ûrî wa kûraca.

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Nthi 16:5

Ngai-Mûnene nîathûrîte andû onthe arîa etîi, nama, andû acio nwanginya makaaverithua.

Nthi 18:12

Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

Nthi 21:13

Mûndû ûrîa ûtathikagîrîria mûthîni rîrîa akûmûkaîra, wa nake ndakoona wa kûmûthikîrîria agîkaya.

Nthi 21:4

Mwîtîîo, na mwîgatho nîcio itongoragia andû arîa aganu, na ûcio nî wîvia.

Isaia 1:10

Thikîrîriani ûrîa Ngai-Mûnene arauga mue anene a Sodomu! Thikîrîriani ûrîa Ngai wetû arathomithania mue andû a Gomora!

Isaia 16:6

Andû a Juda maugaga atîrî, “Nîtwîguîte ûrîa andû a Moabu marî ecaari, nîtwîcî ûrîa maarî etîi mûno. Nîtwîcî ûrîa marî rûng'athio, mwîkumio na metûûgagîria; nwatî mwîtîîo ûcio wao nî wa mana.”

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Isaia 47:8

“Kwoguo rîu thikîrîria we wendete gwîkenia, we wîkaraga ûtagûtangîka ûkîîraga na ngoro atî, ‘Nwanie tu na gûtirî wîngî tiga nie; ndigeekara ta mûndûmûka wa ndigwa, kana mbîgua ruuo rwa gûkuîrwa nî ciana.’

Jeremia 48:11

“Moabu atûûraga na thayû kuuma arî mûnini, akirîrîtie ta ndivei îtarî ngerûre, ndivei îtanonoranua kuuma mûtûngirî ûmwe kûthiî wîngî. Moabu ndanavirwa îthamîriorî, kwoguo ndanathira mûcamo wake, na atûûraga anungaga waro.

Ezek 16:46

“Mwarwanyûkwe ûrîa mûkûrû nî Samaria, na aatûûraga mwena waku wa rûgûrû marî na erîtu ake. Nake mwarwanyûkwe ûrîa mûnini nî Sodomu, na aatûûraga mwena waku wa îveti marî na erîtu ake.

Ezek 18:12

Ke nîavinyagîrîria andû arîa athîni na arîa mavatarîte, nî mûcunani, ndarîvaga kîndû kîrîa meranîrîte atî nîakaarîva, nî avoyaga mîvuanano, na nîekaga maûndû marî mûgiro,

Ezek 18:16

na ndavinyagîrîria mûndû. Ke ndocaga kîndû nîguo agaakûrîrwa, ndacuunanaga, nwatî nîagaagîra arîa avûtu irio ciake, na arîa matarî na nguo cia gwîkîra nî amavecaga.

Ezek 18:7

ethîrwa ndavinyagîrîria mûndû wana ûrîkû, nîacokagia kîndû kîrîa eranîrîte kûrî mûndû ûrîa marî thirî nake, wana ndacuunaga andû indo ciao, nwatî nîavecaga arîa avûtu irio na arîa matarî na nguo akamava cia gwîkîra.

Ezek 23:42

Nîkweguîkire mîgambo ya andû eengî matetigagîra maûndû, arûme maarî mîrîu maarutîtwe kuuma werûrî. Nîmeekîrire aka acio mvang'iri njara na makîmekîra ngovia mbaro ciongorî ciao.

Ezek 28:17

Nîwagîre na mwîtîîo nîûndû wa ûthaka waku, na ûgîcûkia ûûgî waku nîûndû wa riiri waku. Nagwikirie nthî mûtheturî na ngîkwanîka mbere ya athamaki nîguo makwone.

Ezek 28:2

“We mûndû, îra mûthamaki wa Turo ûrîa nie Ngai-Mûnene Ngai nîramwîra. Arî na mwîtîîo ngororî na arauga atî ke nî ngai na ekaragîra gîtî Kîam ûnene Kîam ngai gatagatî ka maria. Nwatî we wî mûndû nwa tîwe ngai wana ethîrwa wîyonaga ûrî na ûgî ta ngai.

Ezek 28:9

Nîûkaauga atî we wî ngai rîrîa ûkethîrwa ûrî mbere ya andû arîa magaûka gûkûraga? Wakinya njararî cia arîa magaaûka gûkûthiria nîûkaamenya atî we wî mûndû tu, nwatî ndûrî ngai.

Ezek 29:3

Mwîre nie Ngai-Mûnene Ngai mbugîte atîrî: Nîngûrûa nawe mûthamaki wa Misiri we ndamathia îrîa îmamaga rûnjîrî rwa Nilo. Ugaga atî rûnjî rûu nî rwaku na nîwe watûmire rûgîe.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Obadia 1:3

Mwîtîîo wa ngoro yaku nîûkûveenetie, îtûûra rîaku ririgîtwe na rûthingo rwa îthiga rîa vinya; mûciî waku ûrî kîrîmarî îgûrû na wîîraga atîrî, ‘Nî ûrîkû ûngîvota kûûgwîthia nthî?’

Luka 17:28

Mûthenya ûcio ûgeekara wata ûrîa gwekariî vîndî ya Loti. Vîndî îo andû maatûûraga marîcaga na manyunyaga, magûraga na mendagia indo, na mavandaga na matumaga nyomba.

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Jakuvu 5:5

Mûtûûrîre wenyu gûkû nthî wîthîrîtwe wîcûrîtwe nî mîago na ikeno. Mwînoretie ta ndegwa yetererete mûthenya wa kûthînjwa.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.