Ezek 16:48 - ÎVUKU RÎA ÛVORO MWARO

⁴⁸ Ngai-Mûnene augîte atîrî, “Wata ûrîa nie ndûûraga mwoyo, mwarwanyûkwe Sodomu na erîtu ake matianeka maûndû macûku ta marîa we na erîtu aku mwekire.

Ezek 16:48 ပူးပေါင်းရင်းမြစ်များ

Ezek 16:46

“Mwarwanyûkwe ûrîa mûkûrû nî Samaria, na aatûûraga mwena waku wa rûgûrû marî na erîtu ake. Nake mwarwanyûkwe ûrîa mûnini nî Sodomu, na aatûûraga mwena waku wa îveti marî na erîtu ake.

Ezek 16:47

Kûnarî ûguo we ndwaneganîra ûrûmîrîra mîtugo yao kana wîka ta ûrîa o meekaga maûndû marî na magigi. Takwa ûndû ûcio ûtaarî mûnene, we nîwatuîkire mûcûku mûno na ûkîmakîra onthe mîthiîrerî yaku.”

Ezek 16:52

Rîu we nîûtûûra ûconokete nîûndû nîûtûmîte aa mwarwanyûkwe monekane ta matavîtîtie nîûndû nîwekire maûndû macûku mûno kûmakîra nao makîonekana marî athingu gûgûkîra. Kwoguo nîûconoka nîûndû nîûtûmîte aa mwarwanyûkwe monekane matarî na mavîtia.”

Ezek 5:6

Jerusalemu nîyareganire na mawatho makwa na îgîka maûndû macûku gûkîra mavûrûri marîa mengî, îgîtuîka îtûûra îremi gûkîra mavûrûri marîa marîthiûrûrûkîrîtie; nîyareganire na kîrîra gîakwa na matuîro makwa ma ciira.

Mathaayo 10:15

Nîramwîra na ma atî mûthenya wa îtuîro Ngai nîakeeguîra andû a Sodomu na Ngomora ntha nyîngî, gûkîra ûrîa akeeguîra andû a îtûûra rîu!

Maariko 6:11

Na mûngîkaathiî îtûûrarî na andû akuo marege kûmûgwata ûgeni, wana kana kûmûthikîrîria, îrivarivageni rûkûngû magûrûrî menyu mûkînauma kuo. Nakîo gîîko kîu gîgaatuîkaga ûira kûrî o atî ûndû ûcio ndûnamûkenia.”

Luka 10:12

Nie nîramwîra na ma atî, mûthenya wa îtuîro Ngai nîakeeguîra andû a îtûûra rîa Sodomu ntha nyîngî gûkîra ûrîa akeeguîra andû a îtûûra rîu!

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.