Ezek 16:46 - ÎVUKU RÎA ÛVORO MWARO

⁴⁶ “Mwarwanyûkwe ûrîa mûkûrû nî Samaria, na aatûûraga mwena waku wa rûgûrû marî na erîtu ake. Nake mwarwanyûkwe ûrîa mûnini nî Sodomu, na aatûûraga mwena waku wa îveti marî na erîtu ake.

Ezek 16:46 ပူးပေါင်းရင်းမြစ်များ

Ezek 23:4

Ûrîa mûkûrû eetagwa Ohola, nake ûrîa mûnini eetagwa Oholiba. Nao nîmaatuîkire aka akwa, magîciara anake na erîtu. Marîîtwa mau mao, Ohola nî Samaria, nake Oholiba nî Jerusalemu.

Ezek 16:61

Nîûgaacoka ûririkane njîra ciaku na nîûgaaconoka rîrîa ngooca aa mwarwanyûkwe ûrîa mûkûrû na ûrîa mûnini na ngûnengere o marî ta erîtu aku, nwatî ndigeeka ûguo nîûndû wa kîrîkanîro gîetû nawe.

Ezek 16:51

“Samaria matievia wanarî nuthu ya mevia marîa mwevirie. Mue nîmwekire maûndû macûku mûno kûmakîra. Ûngîringithania maûndû maku marîa macûku na ma aa mwarwanyûkwe, mao tî manene.

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.

2Pet 2:6

Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.

Mika 1:5

Maûndû mama monthe magekîka nîûndû wa mavîtia ma Jakovu, na nîûndû wa mevia ma andû a Isiraeli. Mavîtia ma Jakovu marî kû? Marî îtûûrarî rîa Samaria! Mevia ma andû a Juda nî marîkû? Nî Jerusalemu!

Hosea 11:8

We Efiraumu, nîngîgûtiganîria atîa? We Isiraeli nîngîgûta atîa? Nîngîgûtua ta îtûûra rîa Adama atîa? Kana ngwîke ta îtûûra rîa Zeboimu! Nîregua ngoro yakwa îkîngiria, wendo wakwa kûrî we nî mwîngî mûno.

Ezek 26:6

Nao andû arîa marî matûûrarî marîa mariganîtie narîo na kûu mîgûndarî nîmakaaûragwa na mviû cia njûra, na andû a Turo nîmakaamenya atî, nie nînie Ngai-Mûnene.”

Ezek 23:11

“Mwarwang'ina Oholiba ona ûndû ûcio nîwatuîkire mûcûku gûkîra Ohola na akîrirîria ûmaraa gûkîra wa mwarwang'ina.

Ezek 16:27

“Kwoguo nînaûkîrîrie njara yakwa nîguo ngûverithie. Nînaanyivirie îgai rîaku na ngîkûrekereria kûrî nthû ciaku, erîtu a Afilisiti arîa maaconokire mûno nîûndû wa ciîko ciaku cia ûûra nthoni.

Maca 4:6

Andû akwa maverithîtue, gûkîra andû a Sodomu, arîa maathirirue wa rîmwe, na mationa mûndû wa kûmatethia.

Jeremia 23:14

Nwatî gatagatîrî ka arathi a Jerusalemu, nîmonete magîka ûndû mûcûku mûno; mekaga ciîko cia ûtharia na makaveenania. Mekagîra andû arîa marî ciîko njûku vinya nîguo matikagarûrûke matiga waganu, onthe kûrî nie matuîkîte ta Sodomu, na atûûri a kuo matuîkîte ta Ngomora.

Gûco 32:32

Nthû ciao nî mbaganu ta andû a Sodomu na Gomora, ciîkariî ta mîthavibu îrîa îciaraga thavibu ndûrû na irî na ûrogi,

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

Kîam 19:29

Kwoguo rîrîa Ngai aacûkangagia matûûra marîa maarî Kîamnda kîu kûrîa Loti aatûûraga, nîwaririkanire Iburahimu na agîtûma Loti ethare nîguo ndakaûragwe.

Kîam 14:8

Nao athamaki a Sodomu, Gomora, Adama, Zeboimu, na wa Bela (kana Zoari) nîmoocire mbûtû ciao cia athigari na makîthiî mbaararî Kîamndarî Kîam Sidimu.

Atir 19:22

Vîndî wa îo maakenaga, wa rîmwe gîkundi Kîam andû marî na mîtugo mîcûku maumîte îtûûrarî nîmaathiûrûrûkîrie nyomba îo na makîambîrîria kûrumia mûrango makîraga mûthuuri ûcio atîrî, “Ruta mûndû ûcio mûkire nake na gûkû nja! Tûrenda kûmenyana nake kîîmwîrî na vinya!”

Ezek 23:2

“We mûndû, vîndî îmwe kwarî na erîtu a ng'ina ûmwe.

Isaia 10:11

nwaguo ngaacûkangia Jerusalemu na mîvuanano yakuo, wata ûrîa nekire Samaria na mîvuanano yakuo.”

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.