Ezek 16:45 - ÎVUKU RÎA ÛVORO MWARO

⁴⁵ We ûrî mwîrîtu wa mûndûmûka ûrîa ûnyararîte mûrûme na ciana ciake. Na ma wî mwarwang'ina na erîtu arîa manyararîte arûme ao wana ciana ciao. Nyûkwe aarî Mûhiti nake aguo aarî Mûamori.

Ezek 16:45 ပူးပေါင်းရင်းမြစ်များ

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Ezek 16:15

“Nîwevokire ûthaka waku, nayo ngumo yaku îgîtûma ûvûre ûmaraa. Mûndû wa wonthe waûkaga kûrî we nîwavûraga ûmaraa nake.

Ezek 16:3

Wîre Jerusalemu Ngai-Mûnene augîte atî: aaciarîrwe vûrûrirî wa Kanaani. Îthe aarî Mûamori, nake ng'ina aarî Mûhiti.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Ezek 23:2

“We mûndû, vîndî îmwe kwarî na erîtu a ng'ina ûmwe.

Zakaria 11:8

Îvindarî rîa mweri ûmwe nînaûragire arîthi acio athatû acûku. Nînaaremirwe nîkwîguithania na ng'ondu icio na wanacio ikîmena.

Ndari 21:5

Nîmaambîrîrie gûtetia Ngai na Musa makiugaga atîrî, “Mwatûrutire Misiri tûke tûkûre werûrî nîkî? Gûkû gûtirî irio kana manjî, wana tûrî atimbe nî irio ino.”

Gûco 12:31

Mûtikagoocage Ngai-Mûnene Ngai wenyu ta ûrîa magoocaga ngai ciao, nîûndû mekaga ngai ciao maûndû monthe marîa Ngai-Mûnene athûrîte. Wana nîmarutagîra ngai ciao magongoona ma kûvîvua ma anake na erîtu ao.

Gûco 5:9

Ndûgaciînamîrîre kana ûigooce. Nîûndû nie Ngai-Mûnene, Ngai waku, nî Ngai wî wîru. Ngaakinyîria ciana waganu wa methe, nginya rûciaro rwa kathatû na rwa kana rwa andû arîa mamenete.