Ezek 16:43 - ÎVUKU RÎA ÛVORO MWARO

⁴³ We ndûraririkana maûndû marîa naagwîkire vîndî îrîa warî mwîthî, nwatî nîûndakarîtie na maûndû monthe marîa wîkîte. Kwoguo nie nîngûkûrîvia maûndû mau wekire. Na kinthî ndwongerere maûndû ma waga nthoni îgûrû rîa marîa wekire marî mûgiro?” Ûguo nîguo Ngai-Mûnene arauga.

Ezek 16:43 ပူးပေါင်းရင်းမြစ်များ

Thaburi 106:13

Nwatî nîmaariganîrwe nî ciîko cia Ngai wa rîo, na makîrega gweterera ûtaari wake.

Thaburi 78:40

Nîmaareganire na Ngai maita meengî marî werûrî, na maita meengî nîmaamwîguithirie kîeva.

Thaburi 78:42

Nîmaariganîrwe nî vinya wake mûnene, makîriganîrwa nî mûthenya ûrîa aamavonokirie kuuma kûrî nthû ciao,

Thaburi 95:10

Nînaarakarirue nî rûciaro rûu îvinda rîa mîaka mîrongo îna, na ngiuga atîrî, ‘Aya nî andû aremi, na nîmaregete kwathîkîra maathani makwa.’

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Jeremia 2:32

Mwîrîtu nwa ariganîrwe nî mathaga make, kana mûviki ariganîrwe nî nguo yake ya ûviki? Nwatî andû akwa nîmariganîrîtwe nînie, îvinda rîa mîthenya îtangîtarîka.

Ezek 11:21

Nwatî andû arîa ngoro ciao irûmagîrîra indo irîa njûku na kûvoya mîvuanano, nîngaamaverithia kûringana na maûndû mau macûku mekîte. Nie Ngai-Mûnene nînie mbugîte ûguo.”

Ezek 16:22

Ûgîka maûndû mau maku macûku wana ûkîvûra ûmaraa, ndwaririkana wana vanini vîndî îrîa warî mûnini na wagaragaraga ûrî njaga nthakamerî yaku.”

Ezek 16:58

Nwanginya ûgwate kîrîa gîkwagîrîrîte nîûndû wa maûndû maku marîa macûku na marî mûgiro marîa wîkîte.” Ûguo nîguo nie Ngai-Mûnene mbugîte.

Ezek 17:19

Kwoguo Ngai-Mûnene augîte atîrî, “Wata ûrîa nie ndûûraga mwoyo, nama nîngaamûverithia nîûndû wa kûnyarara mwîvîtwa ûrîa eevîtire na rîîtwa rîakwa na akiuna kîrîkanîro kîrîa twarîkanîre nake.

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Ezek 6:9

Nao andû arîa makaavonoka nîmakaandirikana marî mavûrûrirî mau makethîrwa mathamîrîte. Nîmakaaririkana atî nînie nîmaverithîtie nîûndû wa gûtura wîvokeku kûrî nie na makîndiganîria na makîgucîrîrua nî ngai cia mîvuanano. Nao nîmakemena o ene nîûndû wa maûndû marîa marî mûgiro mekaga.

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Danieli 9:13

Nîûtûverithîtie na maûndû monthe wata ûrîa kwandîkîtwe wathorî wa Musa. Nwatî nginya rîu Ngai-Mûnene, Ngai wetû, nîtûregete gwîka ûndû ûngîgûkenia na njîra ya kûvera mevia, kana kûrûmîrîra ûma.

Danieli 9:14

Kwoguo we Ngai-Mûnene, Ngai wetû, nîwevarîrie gûtûverithia na ûgîka guo, nîûndû vîndî cionthe wîkaga ûrîa kwagîrîrîte, nwatî tue tûkarega gûkwathîkîra.’

Amosi 2:13

Taroria, nîngamûkinyangîra nthî, ta ûrîa ngari îkuîte maketha yomomoraga nthî.

Ciîko 7:51

Nake Stefano nîwathiîre na mbere na kwaria akiuga atîrî: “Na kaî mue andû aya mûrî aûmû ngoro-î! Atî mue mûtirenda gwîtîkia Ngai wana kana kûthikîrîria ndûmîrîri yake! Atî vîndî cionthe mue nîkwa mûregaga kûthikîrîria Roho Mûtheru. Mue mûreka wata ûrîa methe menyu ma tene meekire.

Aefeso 4:30

Na mûtikegwithie Roho Mûtheru wa Ngai kîeva. Roho nî rûûri rwa Ngai rwa kwonania atî mûrî ake. Ngai aamûveere Roho nîguo onanie na ma atî nîakaamûtethûra rîrîa mûthenya wa mûthiia ûgaakinya.

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.