Ezek 16:4 - ÎVUKU RÎA ÛVORO MWARO

⁴ Mûthenya ûrîa aaciarirwe, rûrîra rwaku rûtiatinua, na gûtirî mûndû wakûthambirie na manjî nîguo ûthere. Gûtirî mûndû wakûvakire cumbî kana akwova nguo cia kaana.

Ezek 16:4 ပူးပေါင်းရင်းမြစ်များ

Kîam 15:13

Nake Ngai-Mûnene nîwerire Aburamu atîrî, “Njiarwa ciaku nîikethîrwa irî ng'eni vûrûrirî mûgeni. Nîigaatuîka ngombo kuo na ivinyîrîrue îvinda rîa mîaka magana mana.

Maca 2:20

We Ngai-Mûnene thikîrîria! Kûrî andû engî wanaverithia ûû? Aka mararîa ciana ciao irîa mendete, nao athînjîri-Ngai na arathi maûragagîrwa hekarûrî ya Ngai-Mûnene.

Maca 2:22

Wetire nthû ciakwa kuuma mîena yonthe, nîmaûkire kûrî nie ta andû metîtwe kîrugorî; mûthenya ûrîa watumûkire na marakara, nthû ciaûragire ciana ciakwa, irîa njiarîte na ngarera.

Ezek 16:3

Wîre Jerusalemu Ngai-Mûnene augîte atî: aaciarîrwe vûrûrirî wa Kanaani. Îthe aarî Mûamori, nake ng'ina aarî Mûhiti.

Ezek 20:13

Nwatî andû a Isiraeli nîmaareganire nanie marî werûrî. Matiarûmîrîra irîra ciakwa nwatî nîmaaregire mawatho makwa, marîa mûndû angîmarûmîrîra mangîtûma atûûre mwoyo, na makîrega kûva thavatû ciakwa gîtîîo. Nînacokire ngîciria nîmetûrûrîre marakara nîmathirie viû marî werûrî.

Ezek 20:8

Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.

Hosea 2:3

Ethîrwa tî ûguo nîngûmûruta nguo atigwe arî njaga, nîngatûma ekare ta ûrîa aaciarirwe. Nîngatûma ekare ta werû, nîngatûma ekare ta nthî nyûmû. Nîngamûraga na nyonda.

Hosea 2:5

Ng'ina watuo nîmûvûru ûmaraa, ûrîa wamagîre nda nîmwîku ciîko cia ûûra nthoni. Nîwaugire atî; “Nîngarûmîrîra anyanya akwa, arîa mamvecaga irio na manjî nguo ya guoya na ya goro, maguta na ndivei.”

Luka 2:12

Naguo ûvoro ûcio mûkaaûmenya na njîra ta îno: mûkoona gakenge karigicîrîtue cuka na kamamîte mûvaratîrî.”

Luka 2:7

Nake nîwarikithathire mwana wa kavîcî akîmûrigica na cuka na akîmûmamia mûvaratîrî nîûndû gûtiarî na vandû mangîavurûkire kûu mûkawarî.

Gûco 15:15

Ririkanani mwarî ngombo vûrûrirî wa Misiri, na Ngai-Mûnene Ngai wenyu nîwamûkûûrire kuo. Kîu nîkîo kîratûma nîmwathe ûguo ûmûnthî.

Gûco 5:6

‘Nie, nînie Ngai-Mûnene, Ngai wenyu ûrîa wamûrutire vûrûri wa Misiri, kûrîa mwarî ûkomborî.

Josh 24:2

Nake Joshua nîwamerire atîrî, “Ngai-Mûnene, Ngai wa Isiraeli augîte atîrî, ‘Methe menyu ma tene maatûûraga mwena ûrîa wîngî wa rûnjî rwa Farati na nîmaagoocaga ngai ciîngî. Ûmwe wa methe mau ma tene aarî Tera îthe wa Iburahimu na Nahoru.