Ezek 16:38 - ÎVUKU RÎA ÛVORO MWARO

³⁸ Nîngaagûtuîra ciira ta ûrîa aka arîa macûkagia moviki mao matucagîrwa na arîa maûraganîte. Nîngaagûtuîra ciira wa kûragwa nîrî na marakara na nîrî na wîru.

Ezek 16:38 ပူးပေါင်းရင်းမြစ်များ

Kîam 38:11

Juda nîwerire Tamarû mûka wa mûvîcî atîrî, “Coka ûgekare kwa aguo ûrî mûka wa ndigwa, nginya rîrîa Shela mûvîcîwa agaakûra.” Juda aamwîrire ûguo nîûndû nîwetigagîra akîona takwa Shela angîûragwa ta aa mûrwang'ina. Kwoguo Tamarû nîwacokire kwao.

Kîam 38:24

Vuva wa mîeri îthatû Juda nîwerirwe atîrî, “Tamarû mûka wa mûvîcîguo ethîrîtwe akîvûra ûmaraa, na rîu arî îvu.” Juda nîwathanire akiuga atîrî, “Mûruteni nja ya îtûûra na mûmûvîvie.”

Kîam 9:6

Mûndû wa wonthe ûkaûraga mûndû ûrîa wîngî, wanake akaûragwa nî mûndû nîûndû Ngai aaûmbire mûndû na mûvano wake.

Ntha 21:12

“Mûndû angîringa mûndû wîngî na amûrage, wanake nîkaûragwa.

Jeremia 18:21

Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Ezek 16:36

Ngai-Mûnene arauga atîrî, “Nîwerutire nguo na ûgîtigwa ûrî njaga. Nîwenenganîre kûrî arîa maakwendaga na ûkîgooca mîvuano îo yaku, na ûkîruta ciana ciaku irî magongoona kûrî yo.

Ezek 16:40

“Nîmakaaunjuga kîrîndî na gîkûrive na mathiga, na nîmagaagûtinangia tûcunjî na mviû.

Ezek 23:24

Nao nîmagaakûtharîkîra kuuma mwena wa rûgûrû marî na ikaari cia mbaara na cia gûkuua mîrigo na gîkundi Kîam andû eengî. Nîmagaakûrigicîria kuuma na mîena yonthe marî na ngo nene na nini na ngovia cia cuuma cia kûgitîra ciongo. Nîngaametîkîria magûtuîre ciira, na nîmagaagûtuîra kûringana na watho wao.

Ezek 23:25

Nîûndû nîrî na marakara, nîngaatûma magûtuîre marî na mang'ûrîka. Nîmagaagûtinia na rûviû maniûrû na matû, macoke manyite anake na erîtu aku. Nao andû arîa magaatigara matakuîte, nîmakaavîvua na mwaki.

Ezek 35:6

Kwoguo, nie Mwathani Ngai-Mûnene wata ûrîa ndûûraga mwoyo, mbaara nîyûkîte na ndûkaamîûrîra. Ûrî na mavîtia ma kûûragana na nwanginya wanawe ûragwe.

Ezek 36:18

Kwoguo nînametûrûrîre marakara makwa nîûndû wa nthakame îrîa meetûrûrire vûrûrirî wao na nîûndû wa mûgiro ûrîa maagwatirie vûrûri na njîra ya kûgooca mîvuanano.

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.

Ndari 35:16

“Nwatî mûndû ûrîa ûkaaringa mûndû ûrîa wîngî na cuuma akue, mûndû ûcio nî mûragani na nwanginya wanake akaaûragwa.

Ndari 35:17

Mûndû ûrîa ûkaaringa mûndû ûrîa wîngî na îthiga akue, mûndû ûcio nî mûragani, na nwanginya wanake akaaûragwa.

Ndari 35:18

Kana mûndû ûrîa ûkaaringa mûndû ûrîa wîngî na mûtî akue, mûndû ûcio nî mûragani na nwanginya wanake akaaûragwa.

Ndari 35:21

kana amûringe na ngundi akue, mûndû ûrîa ûringîte ûcio wîngî nî mûragani na nwanginya akaaûragwa nî mûndû ûmwe wa arîa metanîtue na mûndû ûcio ûragîtwe.

Ndari 35:31

Mûndû wa wonthe ûkaaûragana na vinya nwanginya akaaûragwa. Gûtirî îrîvi rîngîrutwa nîûndû wa wîvia ta ûcio.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”