Ezek 16:36 - ÎVUKU RÎA ÛVORO MWARO

³⁶ Ngai-Mûnene arauga atîrî, “Nîwerutire nguo na ûgîtigwa ûrî njaga. Nîwenenganîre kûrî arîa maakwendaga na ûkîgooca mîvuano îo yaku, na ûkîruta ciana ciaku irî magongoona kûrî yo.

Ezek 16:36 ပူးပေါင်းရင်းမြစ်များ

Kîam 3:7

Na maarîa, metho mao oîrî nîmaavingûkire. Nao nîmaamenyire atî maarî njaga. Nao nîmaatumanirie mathangû ma mîkûyû magîîkunîkîra namo.

Jeremia 19:5

Nîmaatumîre ngai ya Baali metha ya kîgongoona nîguo mavîvîrie ciana ciao irî îtega rîa kûvîvua kûrî Baali; ûndû ûrîa nie ndaamatha meke, wana kana nîwîciria.

Jeremia 2:34

Nguo ciaku irî na nthakame ya athîni matarî na mevia, ndwanamethîrîria makîvunja nyomba yaku, nwatî kûnarî ûguo,

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Ezek 16:35

We îraa rîrî, rîu thikîrîria ciugo cia Ngai-Mûnene!

Ezek 16:57

Kinthî ndwekire ûguo mbere ya maûndû maku marîa macûku mamenyeka? Rîu we ûtuîkîte wata Sodomu, ûgatuîka kîndû gîa kûthekagîrîrwa nî erîtu a Edomu na arîa mariganîtie nao, na erîtu a Filisiti na arîa mamathiûrûrûkîrîtie na makûmenete.

Ezek 20:31

Rîrîa mûkûruta iveo cienyu na mûkaruta ciana cienyu irî magongoona ma kûvîvua, nîmwîgwatagia gîko mue ene na mîvuanano yenyu yonthe nginya ûmûnthî. Mue andû a Isiraeli, nwa mûrie ûndû kuuma kûrî Nie? Ngai-Mûnene augîte atî wata ûrîa ke atûûraga mwoyo, ndangîtîkîra mûmûrie ûndû.

Ezek 22:15

Nîngaakûnyagania mavûrûrirî ma andû a ndûrîrî, na maûndû marîa macûku ûrî namo nîmathirie viû.

Ezek 23:10

Andû acio nîmaamûrutire nguo agîtigwa arî njaga. Nîmaanyitire anake na erîtu ake, nake ke mwene makîmûraga na rûviû. Îvera rîrîa aagwatire nîrîatûmire atuîke wa kûthekagîrîrwa nî aka arîa engî.

Ezek 23:18

Rîrîa eyonithanirie kûrî andû atî ke nî mûmaraa na akîonania njaga yake, nînaamûtiganîrie wata ûrîa naatiganîrîtie mwarwang'ina.

Ezek 23:29

Nîûndû wa ûrîa makûthûrîte, nîmagaagûcuna indo ciaku irîa ûtûîre ûthûkûmaga na magûtige ûrî njaga ûtarî nguo. Nayo njaga ya ûmaraa waku nîîkonekana, ûmaramari na ûraa waku cionekane.

Ezek 23:37

Nîmarûthîte maûndû ma ûtharia na nîmaûraganîte. Nîmarûthîte maûndû ma ûmaraa na mîvuanano yao, na makamîrutîra ciana ciakwa irî magongoona ma kûvîvua.

Ezek 23:8

Ndaatiganîria ûmaraa ûrîa aambîrîrie arî Misiri rîrîa aarî mwîrîtu mwîthî. Arûme arîa maamamaga nake nîo maamûcûkîrie wîrîtu wake na makîmûtua mûmaraa.

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Ezek 36:18

Kwoguo nînametûrûrîre marakara makwa nîûndû wa nthakame îrîa meetûrûrire vûrûrirî wao na nîûndû wa mûgiro ûrîa maagwatirie vûrûri na njîra ya kûgooca mîvuanano.

Ezek 36:25

Nîngaacoka nîmûminjaminjîrie manjî matheru, na nîmûkathera. Nîngaamûtheria kuuma kûrî maûndû monthe macûku na kuuma kûrî mîvuanano yonthe.

Zefania 3:1

Jerusalemu kaî ûrî na thîna-î, îtûûra rîrî na gîko, mûgiro na rîvinyagîrîria andû akuo.

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.