Ezek 16:17 - ÎVUKU RÎA ÛVORO MWARO

¹⁷ Wana nîwocire mathaga mamwe marîa nakûveere ma thaavu na sîlûva ûkîthondeka mîvuanano ya andû arûme na ûkîvûra ûmaraa nayo.

Ezek 16:17 ပူးပေါင်းရင်းမြစ်များ

Jeremia 3:9

Ndoonaga ûmaraa ûrî ûndû mûnene, kwoguo nîwatûmire vûrûri ûgîe na mûgiro na agîka wîvia wa ûtharia na njîra ya kûgooca mathiga na mîtî.

Ezek 16:11

Nînacokire ngîgwîkîra mathaga maro ma gûkûgemia, ngîgwîkîra mvang'iri njara, na mûkathî ngingo,

Ezek 16:12

na ngîgwîkîra gîcûvî îniûrû na mindo matû, na ngîgwîkîra ngovia mbaro mûno kîongo.

Ezek 16:13

Ûguo nîguo wagemetue na thaavu na sîlûva. Wekagîra nguo irîa mbaro na ciagemetue waro. Warîcaga irio cia mûtu ûrîa mûvinyu mûno, na ûûkî na maguta. Nîwatuîkire mûthaka makîria na ûgîtûgîra nginya ûgîtuîka mûthamaki mûndûmûka.

Ezek 16:16

Nîwocire nguo imwe ciaku na ûkîgemia kûndû kûrîa warûthîte gwa kûvoera na ûkîvûrîra ûmaraa kuo. Ûndû ta ûcio ndwanoneka rîngî na ndûkooneka.

Ezek 16:18

Wocire nguo ciaku irîa ciarî ng'emie irîa nakûveere na ûgîciîkîra mîvuananorî îo, na ûkîmîrutîra matega ma maguta makwa na ûbani wakwa.

Hosea 10:1

Andû a Isiraeli mekariî ta mûthavibu ûrîa mwaro mûno, mûthavibu ûrîa ûciaraga matunda mûno. Wa ûrîa matunda mathiîcaga na mbere kwongereka; nwaguo mathiîre na mbere na gûtuma metha cia kîgongoona. Wa ûrîa maciaro ma vûrûri mongerekire, nwa guo maathiîre na mbere kûvanda itugî ciao cia kûvoyagîra.

Hosea 2:13

Nîngamûverithia nîûndû wa gûkûngûîra mîthenya ya irugo cia Baali, mîthenya îrîa aavîvîrie ngai icio ûbani, na akîîgemia na mbete ciake na mathaga, na akîthiî kûrî arata ake, na akînariganîrwa nînie, ûguo nîguo Ngai mûnene arauga.